➡️ #Slovakia #Betamont

⚡️ “O‘zeltexsanoat” uyushmasi va Slovakiya kompaniyasi “Betamont” o‘rtasida hamkorlik masalalari muhokama qilindi

➡️ Joriy yil 9-iyun kuni Toshkent shahrida o‘tkazilgan “O‘zbekiston–Slovakiya biznes forumi” doirasida “O‘zeltexsanoat” uyushmasi boshqaruv raisi o‘rinbosari Faridun Abdualimov va Slovakiyaning “Betamont” kompaniyasi rahbari Rastislav Babitsa o‘rtasida muzokaralar bo‘lib o‘tdi.

➡️ Uchrashuv davomida transport, axborot texnologiyalari va intellektual infratuzilma sohalarida ikki tomonlama hamkorlikni yo‘lga qo‘yish imkoniyatlari keng muhokama qilindi.

➡️ Xususan, O‘zbekistonda transport vositalarining o‘lchami, tezligi va og‘irligini monitoring qilish hamda baholashga mo‘ljallangan zamonaviy qurilmalar ishlab chiqarishni tashkil etish istiqbollari muhim e’tiborda bo‘ldi.

➡️ Bunday hamkorlik O‘zbekistonning transport infratuzilmasini yanada rivojlantirish va raqamlashtirish, xalqaro standartlarga mos yuqori texnologik yechimlarni joriy etishga katta imkoniyat yaratadi.

➡️ "Betamont" — bu 30 yildan ortiq tajribaga ega, Slovakiyada joylashgan yetakchi kompaniya bo‘lib, yo‘l va temiryo‘l transporti uchun “Measure‑in‑Motion” deb nomlangan aqlli transport tizimlarini ishlab chiqaradi va yetkazib beradi. Ularning modul asosidagi platformalari transport vositalarini diagnostika qilish, monitoring qilish va boshqarishni amalga oshirishga mo‘ljallangan.

🇷🇺 Рус 🇬🇧 En

🌐 UZELTEXSANOAT | Telegram

➡️ #CAEX #exhibition

⚡️ Mahalliy elektrotexnika sanoatiga xorijiy investorlarning qiziqishi ortmoqda

➡️ Bugun ham Toshkent investitsiya forumi doirasida o‘tkazilayotgan ko‘rgazma davom etmoqda va unda “O‘zeltexsanoat” uyushmasi boshchiligidagi elektrotexnika sanoati korxonalari faol ishtirok etmoqda.

➡️ Ko‘rgazmada xorijiy investorlar va mahalliy ishlab chiqaruvchilar o‘rtasida yangi hamkorlik aloqalarini yo‘lga qo‘yish, qo‘shma loyihalarni ishlab chiqish va qo‘shimcha investitsiyalarni jalb qilish imkoniyatlari yuzasidan muhim muzokaralar bo‘lib o‘tmoqda.

➡️ Xorijiy investorlar mahalliy elektrotexnika sanoati mahsulotlariga katta qiziqish bildirmoqda va hamkorlik istiqbollari yuzasidan bir qator takliflar ilgari surilmoqda.

➡️ “O‘zeltexsanoat” uyushmasiga a'zo korxonalar bugun ham qariyb 200 turdagi ilg‘or mahsulotlarini namoyish etib, O‘zbekiston elektrotexnika sanoatining eksport salohiyatini, sifat va texnologik rivojlanishini keng targ‘ib qilmoqda.

➡️ Ko‘rgazma joriy yilning 12-iyuniga qadar davom etadi va bu davr mobaynida barcha ishtirokchilar o‘z mahsulotlarini namoyish etish, tajriba almashish va hamkorlik imkoniyatlarini kengaytirish imkoniyatiga ega bo‘ladilar.

🌐 UZELTEXSANOAT | Telegram