Аввал хабар қилинганидек, Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Самарқанд вилоятида коррупциянинг олдини олиш, унга қарши курашиш, шу жумладан маиший коррупцияга барҳам бериш, коррупцияга нисбатан муросасиз муносабатда бўлиш муҳитини шакллантириш бўйича тасдиқланган “йўл харита”сида белгиланган тадбирлар ижроси жойига чиққан ҳолда ўрганилмоқда.

Жумладан, "йўл харита”нинг 3-бандига асосан Самарқанд тумани электр тармоқлари бўлимининг истеъмолчилар билан ишлаш муҳандисларини техник воситалар (body camera) билан таъминланганлиги аҳволи ўрганилди, соҳа мутахассислари билан ўзаро фикр алмашиниб, фаолиятни янада самарали ташкил этиш, ҳудудда энергияни тежаш дастурлари ижроси ва тармоқлардаги йўқотишларни камайтириш борасида тегишли кўрсатмалар берилди.

Мазкур бўлимда ходимларнинг техник воситалар билан таъминланганлиги, коррупциявий хавф-хатарларни келтириб чиқарувчи инсон омилини қисқартиришга хизмат қилаётганлиги алоҳида қайд қилинди.

Ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурорнинг биринчи ўринбосари Б.Валиев раҳбарлигидаги ишчи гуруҳ томонидан Самарқанд тумани прокуратураси ва ички ишлари органларида тергов сифатини ошириш, жиноятчиликка қарши курашиш соҳаларида амалга оширилаётган ишлар аҳволи ўрганилди.

Жумладан, туман прокуратураси ва Самарқанд туман бўйича ИИБ ҳузуридаги тергов бўлими терговчилари ҳамда суриштирувчилари иш юритувидаги терговга қадар текширув материаллари ва жиноят ишлари бўйича дастлабки тергов ҳаракатларини олиб борилиши аҳволи ўрганилиб, йўл қўйилган хато ва камчиликлар шунингдек, амалиётдаги мавжуд муаммоли масалалар муҳокама қилиниб, тергов сифати ва иш самарадорлигини ошириш бўйича тегишли кўрсатмалар берилди.

Шунингдек, туман прокуратураси ва ИИБ раҳбарияти, терговчилари ҳамда соҳага масъул ходимлари иштирокида вилоят ҳудудида содир этилиб, фош этилмаган қотиллик жиноятлари танқидий муҳокама қилиниб, тезкор-қидирув тадбирларини самарали ташкиллаштириш юзасидан топшириқлар берилди.

Бу борадаги ишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Сурхондарё вилояти прокурори Б.Бабаджанов раҳбарлигидаги ишчи гуруҳ томонидан Президентнинг 03.01.2025 йилдаги ПҚ-1-сон қарори ижроси ва ҳудудда криминоген вазиятни таҳлил қилиш фаолияти амалий ёрдам кўрсатган ҳолда Термиз туманида ўрганилди.

Хусусан, ишчи гуруҳ томонидан туманда ташкил этилган штаб, ишчи гуруҳ ва  масъуллар томонидан амалга оширилган ишлар, шу жумладан "ижтимоий профилактика" аҳволи ўрганилиб, муаммоли масалалар муҳокама қилинди.

Шунингдек, туманнинг криминоген вазияти оғир "Айритом","Истиқлол" ва "Сабзипоя" маҳаллаларида “маҳалла еттилиги” ва “ижтимоий профилактика”га масъул бўлган мутасаддиларга “йўл хариталар” ижроси, ёшлар, хотин-қизлар, муқаддам судланганлар ва ишсизлар жиноятчилигини олдини олиш мақсадида уларнинг бандлигини таъминлаш, индивидуал профилактик тадбирлар ўтказиш, ижтимоий-иқтисодий муаммолари ўрганилиб, масъулларга тегишли кўрсатмалар берилди.

Ўрганишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бухоро вилояти прокурори У.Хамдамов томонидан Қоравулбозор туманида навбатдаги сайёр қабул ўтказилди.

Сайёр қабулда жами 18 нафар шахсларнинг турли масалаларидаги мурожаатлари қабул қилинди.

Мазкур мурожаатлар кредит ва субсидия ажратиш, қурилиш, ер ва электр энергияси масалалари, тергов-суриштирув ҳаракатлари, соғлиқни сақлаш, уй-жой ва моддий ёрдам каби ижтимоий йўналишда ҳамда мулкий низолар ва бошқа масалаларга тааллуқли бўлиб, келиб тушган мурожаатларнинг айримлари жойида ижобий ҳал қилинган бўлса, текшириш талаб этиладиганлари иш юритувга олиниб, ўрганиш ишлари бошланди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook