Тошкент вилояти прокурори А.Мирзаев раҳбарлигида Ўзбекистон Республикаси Президентининг қарорлари ижроси ҳамда вилоят прокуратураси органлари томонидан қонунийликни мустаҳкамлаш, ижтимоий ва иқтисодий соҳалардаги назорат фаолиятини танқидий муҳокама қилиш ҳамда келгусидаги устувор вазифаларни белгилаб олишга бағишланган ҳайъат йиғилиши ўтказилди.

Хусусан, Президентнинг 01.04.2025 йилдаги ПҚ-133-сон қарори бўйича ҳудудларда табиий газ ва электр энергиясини узатишдаги йўқотишларни қисқартириш, энергия ресурсларини иқтисод қилиш, уларни талон-торож қилиш ҳолатларини олдини олиш борасидаги йўл қўйилган камчиликлар туман (шаҳар)лар кесимида кўрсатиб ўтилди.

Шунингдек, 03.01.2025 йилдаги ПҚ-1-сон қарор ижроси бўйича криминоген вазияти оғир маҳаллаларда “хавфсиз кўча” ва “хавфсиз йўлак”ларни ташкил этилиши, “йўл харитаси”да кўрсатилган тадбирларни амалга оширишда режадан орқада қолаётган ҳудудлар ишларни жадаллаштириши ҳақида топшириқлар берилди.

Йиғилиш давомида оталиққа олинган ёшлар билан индивидуал ишлаш, уларни муаммоларини аниқлаш ҳамда бартараф этиш масаласи ҳам муҳокама қилиниб, мутасадди идоралар билан биргаликда ишларни ташкил этиш юзасидан тавсиялар берилди.

Якунига кўра масъулларнинг изоҳлари тингланиб, камчиликларни бартараф этиш ҳамда келгусида фаолият самарадорлигини ошириш мақсадида муддатли чора-тадбирлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурор ўринбосари Д.Касимов томонидан фармацевтика соҳасидаги инвестиция лойиҳаларининг ташаббускорлари фаолиятида юзага келаётган тизимли муаммоларни аниқлаш ва бартараф этишга қаратган ҳолда ўрганишлар ўтказилмоқда.

Маълумот учун, Вазирлар Маҳкамасининг 31.01.2025 йилдаги 53-сонли қарорига кўра, Фармацевтика тармоғини ривожлантириш агентлиги масъуллигида 47 та инвестиция лойиҳалари доирасида 120,2 млн. доллар хорижий инвестиция ўзлаштирилиши белгиланган.

Шундан, ўтган 5 ой давомида 40,2 млн. доллар хорижий инвестиция ўзлаштириш прогнози 100 фоизга бажарилган.

Хусусан, Тошкент вилоятидаги “Паркент фарм” ЭИЗда хорижий инвестициялар иштирокида амалга оширилиши режалаштирилган инвестиция лойиҳалари билан яқиндан танишилиб, ташаббускорларнинг таклифлари ўрганилди.

Ўрганишлар давомида, "BIOCOM" ХК томонидан захараркурандаларга қарши зардоблар ишлаб чиқариш лойиҳаси ва бошқа лойиҳалар билан яқиндан танишилди.

Ўтказилган тадбирда, лойиҳаларни ишга тушириш, тайёр маҳсулот ишлаб чиқаришдан унинг реализациясига қадар бўлган жараёнда ташаббускорларда мавжуд муаммоларни тез фурсатларда қонуний ҳал этиш чораларини кўриш юзасидан мутасадди идора масъулларига муддатлари аниқ кўрсатилган топшириқлар берилиб, ижроси алоҳида назоратга олинди.

Ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook