Бош прокурор ўринбосари Ш.Аминов бошчилигидаги ишчи гуруҳ томонидан Бухоро вилоятида энергия самарадорлигини ошириш бўйича илмий-техникавий ўрганишлар давом этмоқда.

Олимлар ва соҳа мутахассислари томонидан ўрганишлар давомида амалда яратилган иқтисод қилиш тажрибаларини оммалаштириш мақсадида жойига чиққан ҳолда тегишли соҳадаги истеъмолчилар иштирокида амалий семинарлар ташкил этилмоқда.

Хусусан, Вобкент туманидаги “Гарден Бухоро агрокластер” фермер хўжалигига қарашли бинода 20 дан ортиқ фермер хўжаликлари раҳбарлари ҳамда масъул ташкилотлар иштирокида сув насосларини энергия тежамкорига алмаштириш, қуёш панелларини ўрнатишнинг ҳамда “Lux Pet Plast” МЧЖ биносида корхоналарнинг электр хўжалигида иқтисод кўрсаткичлари, ортиқча йўқотишларни ҳамда носозлик ҳолатларини онлайн кузатиб бориш имконини берувчи янги яратилган “мобиль илова” дастурининг имкониятлари ва афзалликларини тушунтириш бўйича амалий семинарлар ўтказилди.

Бу борадаги тадбирлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook