БЕЛБОҒЛИ КУРАШ БЎЙИЧА ОСИЁ ЧЕМПИОНАТИ БОШЛАНДИ

Жиззах шаҳридаги Ўрда боғидаги анфитеатрда Бирлашган курашлар олами (UWW) таркибидаги белбоғли кураш, алыш ҳамда  қазақ куреси бўйича Осиё чемпионати бошланди.

Жиззах вилояти прокуратураси, вилоят хокимлиги, Осиё белбоғли  кураш  конфедрацияси, Ўзбекистон Республикаси ёшлар сиёсати ва спорт вазирлиги, Ўзбекистон белбоғли кураш федерацияси қатор ташкилотлар ҳамкорлигида  юқори савияда ўтказилаётган ушбу Осиё  чемпионатида Ўзбекистон, Япония, Эрон, Ҳиндистон, Индонезия, Қозоғистон, Қирғизистон, Туркманистон каби 12 та давлатлардан ташриф буюрган полвонлар куч синашишмоқда.

Қирғиз алыш курашининг классик йўналиши бўйича эркаклар ўртасида 60, 70, 80, 90, 100, +100 кг. вазн тоифасида, аёллар ўртасида эса 55, 60, 65, 70, 75, +75 кг.вазнда тоифаларида 200 нафарга яқин спортчилар ўртасида ғолиблар аниқлаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Ёшларни ҳарбий ватанпарварлик руҳида тарбиялаш ва ўқитиш мақсадида Жиззах вилоятнинг туман (шаҳар)ларида истиқомат қилаётган 100 нафар уюшмаган ёшлар Шароф Рашидов туманида жойлашган ҳарбий қисмда “Жасорат мактаби” лойиҳаси асосида ўтказилаётган навбатдаги 10 кунлик йиғинга жалб этилди.

Йиғиннинг тантанали очилиш маросимида вилоят ҳокимлиги, Жиззах ҳарбий прокурори, Марказий ҳарбий округи қўшинлари қўмондонлиги ҳамда ҳуқуқни муҳофаза қилиш органлари, давлат ва жамоат ташкилотлари, фахрийлар ва ёшлар ҳамда кенг жамоатчилик вакиллари иштирок этди.

Ёшларга мамлакатимиз ривожи, истиқболи учун ўз ҳиссаларини қўшишлари Ватан олдидаги бурч экани тушунтирилиб, йиғин давомида келгусида ҳаётларида зарур касб-ҳунар сирлари малакали мутахассислар томонидан ўқитилиши ҳақида маълумотлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook