Самарқанд вилояти прокурори Жахонгир Хатамов бошчилигида Самарқанд тумани “Миронқул” маҳалласида сайёр қабул ҳамда ёшлар билан учрашув ўтказилди.

Унда 30 нафардан ортиқ фуқаролар иштирок этиб, ўзларини қийнаб келаётган муаммоларни айтишди, шундан 4 нафарининг масаласи ижобий ҳал этилиб, 4 нафарига ҳуқуқий тушунтириш берилди, 21 нафарининг мурожаати назоратга олинган ҳолда ижрога қаратилди.

Шунингдек, фуқаролар ҳудудни ижтимоий-иқтисодий ҳолатини яхшилашга хизмат қиладиган таклифларини ҳам билдиришди.

Хусусан, Х.Авазованинг имтиёзли кредит олиш, М.Аминовни иш билан таъминлаш, М.Фахриева ва Г.Жўрақуловани уй-жойини таъмирлаш учун моддий ёрдам ажратиш, Р.Орзиевни ўзини-ўзи банд қилиши учун кредит ажратилишида амалий ёрдам кўрсатиш, Т.Холмўминовани оғир жарроҳлик операцияси ўтказиш ва даволаниши учун ёрдам кўрсатиш каби мурожаатлар ижобий ечимини топиши учун масъулларга кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Қашқадарё вилояти прокурори Бектош Сайипов томонидан Қарши тумани “Қорақуччи” маҳалласида сайёр қабул ўтказилди.

Унда 40 нафардан ортиқ фуқаролар иштирок этиб, ўзларини қийнаб келаётган муаммоларни айтишди, шундан 5 нафарининг масаласи ижобий ҳал этилиб, 29 нафарининг мурожаати назоратга олинган ҳолда ижрога қаратилди.

Қабулдан сўнг, вилоят прокурори томонидан 18-сонли умумтаълим мактабида ўқув жараёнларни ташкил этиш аҳволи ўрганилиб, аниқланган камчиликларни бартараф этиш борасида мутасаддиларга тегишли кўрсатмалар берилди.

Бундан ташқари, "Наврўз" қишлоғида яшовчи ногиронлиги бор фуқаролар ҳолидан хабар олиниб, зарур бўлган озиқ-овқат маҳсулотлари ва дори-дармон воситалари билан таъминланди.

Ҳудудда истиқомат қилаётган шу каби бошқа оилаларга ҳам доимий кўмак бериш бўйича масъул идора ва ташкилот раҳбарларига тавсиялар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook