Сирдарё вилояти прокурори Савид Иматов томонидан Сирдарё туманида навбатдаги сайёр қабул ўтказилди.

Унда жами 62 нафар фуқаролар иштирок этиб, 35 та масалалар бўйича мурожаатлар келиб тушди.

Мурожаатларнинг 14 таси жойида ижобий ҳал этилган бўлса, 5 тасига ҳуқуқий тушунтириш берилди, қўшимча ўрганишни талаб қиладиган 16 та мурожаат ижроси назоратга олинди.

Шунингдек, қабулга келган фуқароларга қулайлик яратиш мақсадида арзонлаштирилган озиқ-овқат маҳсулотлари савдо ярмаркаси ташкил этилди. Кўчма савдо ярмаркаларини туманнинг барча маҳаллаларида ташкил этиш бўйича кўрсатмалар берилди.

Кун давомида миллий спортнинг кураш тури бўйича "Прокурор кубоги" мусобақаси ҳам ўтказилди. Ғолиб ва совриндорларга диплом, медаль ҳамда эсдалик совғалари топширилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Қашқадарё вилояти прокурори Бектош Сайипов томонидан Кўкдала туманида амалга оширилаётган қурилиш ишлари ўрганилиб, аниқланган ҳолатлар мутасаддилар иштирокида ўтказилган йиғилишда танқидий муҳокама қилинди.

Шу билан бир қаторда, қурилиш объектларидаги ишларнинг сифати ва ҳаққонийлиги устидан доимий кунлик назорат ўрнатиб, сифатсиз иш ва қўшиб ёзиш ҳолатларига йўл қўймаслик борасида мутасадди раҳбарлар огоҳлантирилиб, белгиланган муддатларда қурилиш ишларини якунлаш чораларини кўриш юзасидан топшириқ ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Самарқанд вилояти прокурори Жахонгир Хатамов бошчилигида Каттақўрғон шаҳрида сайёр қабул ҳамда ёшлар билан учрашув ўтказилди.

Унда 26 нафардан ортиқ фуқаролар иштирок этиб, ўзларини қийнаб келаётган муаммоларни айтишди, шундан 7 нафарининг масаласи ижобий ҳал этилиб, 5 нафарига тушунтириш берилди, 14 нафари назоратга олинган ҳолда ижрога қаратилди.

Шунингдек, фуқаролар ҳудудни ижтимоий-иқтисодий ҳолатини яхшилашга хизмат қиладиган таклифларини ҳам билдиришди.

Хусусан, “Ноқис”, “Урмачит” “Ҳайдар чаман” маҳаллаларида яшовчи Ж.Рустамов, Б.Рўзимуродов ва Н.Шариповларни  ички йўлларни таъмирлаш ва асфалть ётқизиш, “Қори равот” маҳалласида яшовчи фуқаролар Н.Муминов ва М.Боймироваларни ишга жойлашиш ва даволаниш учун ёрдам кўрсатиш,  алимент пулларини ундириш, ёшлар дафтарига киритиш ва бандлигини таъминлаш каби мурожаатлар ижобий ечимини топди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook