Қашқадарё вилояти прокурори Б.Сайипов томонидан Китоб туманида Президентнинг 03.01.2025 йилдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида”ги ПҚ-1-сон қарори ижроси бўйича туман идоралараро мувофиқлаштирувчи штаб фаолияти ва амалга оширилган ишлар ўрганилди.

Ўрганишда, штаб аъзолари билан мулоқот ўтказилиб, маҳаллаларда жиноятчиликни олдини олиш, профилактика ишларини кучайтириш, фуқаролар мурожаатларини тизимли ҳал қилиш бўйича йўл харитаси асосида аниқ вазифалар бeлгилаб бeрилди.

Бундан ташқари, Китоб туманидаги деҳқон бозорида аҳолига яратилган шарт-шароит, санитария ва озиқ-овқат хавфсизлиги, бозорда нарх-наво ошиб кетишини олдини олиш борасида туман масъуллари ва бозор маъмурияти томонидан кўрилаётган чора-тадбирлар билан танишилди.

Шунингдек, бозор инфратузилмасини яхшилаш, ҳудуд тозалигига қатъий риоя этилиши, сотувчи ва харидорларга зарур хизматлар кўрсатилиши, бозор ҳудудида криминоген вазиятни барқарорлаштириш ва маиший коррупция ҳолатларини бартараф этиш юзасидан масъулларга аниқ кўрсатма ва топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook