Бош прокуратура ташаббуси билан манфаатдор вазирлик ва идоралар билан ҳамкорликда Нукус шаҳрида "Миллий либосларимиз - қадриятларимиз кўзгуси” номли кўргазма ташкил қилинди.

Тадбирни Марказий Осиё дурдонаси бўлган “И.В.Савицкий” номидаги санъат музейи олдида ташкил этилганлиги ҳам рамзий маънога эга бўлди.

Тадбирда Бош прокуратура бўлим бошлиғи Ў.Ўтаев, “Осиё рамзи” дизайнерлар уюшмаси раиси Х.Комилова, Маданий мерос агентлиги раисининг биринчи ўринбосари Т.Қўзиев, Ислом цивилизацияси маркази директори Ш.Минаваровлар иштирок этди.

Шунингдек, тадбирга ёшлар ва фаол аёллар жалб қилинди.

Айниқса, қорақалпоқ халқининг миллий маданиятини ўзида акс эттирган, миллийлик ва замонавийликни ўзида мужассамлаган либосларлар модалари кўргазмаси, миллий куй-қўшиқлардан иборат концерт дастури, ҳунармандларнинг ижод маҳсуллари кўргазмаси тадбир иштирокчилари томонидан эътироф этилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Жиззах вилояти прокурори Исломжон Эргашходжаев бошчилигида Арнасой туманининг энг олис ва чекка ҳудуди “Чинобод” маҳалласида сайёр қабул ва ёшлар билан учрашув ўтказилди.

Тадбирда 200 нафардан зиёд фуқаролар иштирок этиб, улардан 30 га яқин масалалар юзасидан мурожаатлар келиб тушди. Соғлиқни сақлаш ва бандликни таъминлаш билан боғлиқ 11 та мурожаат жойида қаноатлантирилган бўлса, қолгани назоратга олинди.

Бундан ташқари, қабул давомида 10 нафар фуқароларга кредит маблағлари ажратиш тўғрисида сертификатлар ҳамда 15 нафар эҳтиёжманд оилаларга бепул дори-дармонлар тарқатилди.

Қабулдан сўнг, балиқчилик фаолиятини ривожлантиришга бел боғлаган тадбиркор С.Муродовнинг хонадонида бўлишди.

Шунингдек, 2-сектор ҳудудидаги “Янги бўстон” маҳалласида янгидан қад ростлаётган маҳалла биносининг қурилиш ишлари билан яқиндан танишиб, пудратчи ва масъулларга зарур кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook