Давлатимиз раҳбари томонидан “Яшил макон” умуммиллий лойиҳаси эълон қилинганидан сўнг мамлакатимизда лойиҳа доирасида дарахт ва бута кўчатларини экиш ишлари кенгайиб бормоқда.

Ушбу жараёнга Бош прокуратура ҳам ўзининг муносиб ҳиссасини қўшиб, “Яшил макон” умуммиллий лойиҳаси доирасида қатор тадбирларни ўтказиб келмоқда.

Жумладан, бугун Бош прокуратура, Ўзбекистон Ҳарбий ва Транспорт прокуратуралари ҳамда Тошкент вилояти прокуратураси ходимлари иштирокида Бўстонлиқ туманида кенг қамровли ободонлаштириш ва кўкаламзорлаштириш ишлари амалга оширилди.

Бир неча гектарли ташландиқ ва тошлоқ ҳолатда бўлган ер майдони текисланиб, шудгор қилиниб, минерал ва органик ўғитлар билан озиқлантирилиб, ушбу жойда бир неча минг мевали кўчатлар экилди.

Прокуратура органлари томонидан бундай тадбирлар бошқа ҳудудларда ҳам амалга ошириб келинмоқда.

Шунингдек, Вазирлар Маҳкамасининг тегишли фармойишига мувофиқ, 2023 йил 18 март куни умумхалқ хайрия ҳашари ўтказилди.

“Обод ва файзли маҳалла – юрт кўрки” шиори остида ўтган тадбир Наврўз умумхалқ байрами ва муборак Рамазон ойи арафасида ҳамда тадбирга пухта тайёргарлик кўриш ва уюшқоқлик билан ўтказиш мақсадида айнан шу бугун ташкил этилди.

Қайд этиш жоизки, бошқа идора ва муассасалар қатори Бош прокуратурада ҳам хайрия ҳашари ўтказилиб, бинолар тозаланди, ҳовлидаги дарахтлар оқланди, яқин атрофдаги жойлар саришта ҳолатга келтирилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

"Zo'r TV" телеканали томонидан Бош прокуратура билан ҳамкорликда реал воқеаларга асосланган "Жиноят изи" кўрсатувининг навбатдаги сони тайёрланди.

Кўрсатувда Тошкент шаҳрида содир бўлган қотиллик жиноятининг фош этилиши ва воқеа тафсилотлари ёритилган.

Кўрсатувни 19 март (якшанба) куни соат 21-45 да томоша қилинг.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook