Бош прокурор ўринбосари - Ўзбекистон Республикаси Ҳарбий прокурори Ботир Кудратходжаев томонидан масъуллар иштирокида Миробод туманидаги 154-сонли умумтаълим мактабида ўқувчиларга таълим олишлари учун яратилган шарт-шароитлар, уларни ватанпарвар, қонунга ҳурмат руҳида тарбиялаш борасида амалга оширилган ишлар ўрганилди.

Ўрганиш давомида мактабнинг капитал таъмирга муҳтожлиги, қўшимча синф хоналарига эҳтиёжи мавжудлиги аниқланиб, реконструкция қилиш юзасидан тегишли таклиф ва кўрсатмалар берилди.

Шу билан бирга, ўрганишда мактаб ўқувчилари билан учрашилиб, уларга ўз қобилияти ва салоҳиятини намоён қилишлари, ўзлари танлаган соҳани етук мутахассиси бўлиб, мамлакатимиз ривожи, истиқболи учун ўз ҳиссаларини қўшишлари Ватан олдидаги бурч эканини тушунтириб ўтилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Хоразм вилояти прокурори Мурадхон Ахмедов бошчилигида Боғот тумани "Хуррият" маҳалласида аҳоли билан сайёр қабул бўлиб ўтди.

Қабулда фуқароларнинг уй-жой, тергов ва суриштирув, суд қарорлари ва уларнинг ижроси, тадбиркорлик фаолиятини йўлга қўйиш ва ривожлантириш учун кредит маблағи ажратиш, кадастр агентлиги ходимларининг хатти-ҳаракатларидан норозилиги ва бошқа ижтимоий масалаларга доир жами 35 та мурожаатлари тингланди.

Мазкур мурожаатларнинг 8 таси жойида қаноатлантирилди, 3 та мурожаат бўйича ҳуқуқий тушунтириш берилди, ўрганиш талаб қилинган 24 та мурожаат масъулларга тегишли кўрсатма ва топшириқлар берилиб, уларни ҳар томонлама ва тўлиқ кўриб чиқилиш назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook