Ўзбекистон Республикаси Ҳарбий прокуратураси томонидан навбатдаги оммавий сайёр қабул Урганч шаҳрида жойлашган Ёшлар маркази биносида ўтказилди.

Унда Республика Ҳарбий прокурорининг ўринбосари Қахрамон Исроилов, Мудофаа вазирининг ўринбосари Ҳамдам Қаршиев, Миллий гвардия қўмондонининг ўринбосари Сарвар Мамаюсупов, Хоразм вилояти Халқ қабулхонаси, вилоят фавқулодда вазиятлар бошқармаси раҳбарияти ва бошқа мутасадди ташкилотлар, банк, мактабгача таълим, халқ таълими, соғлиқни сақлаш, бандлик бошқармалари, коммунал соҳа ва бошқа ташкилотлар масъуллари қатнашди.

Оммавий сайёр қабулда 210 нафардан ортиқ ҳарбий хизматчилар ва уларнинг оила аъзолари, ҳарбий пенсионерлар ва бошқа фуқаролар қатнашди.

Қабулда жами 130 та мурожаат келиб тушди, шундан 52 таси жойида ижобий ҳал қилинган бўлса, 32 таси бўйича ҳуқуқий тушунтириш берилди ҳамда 46 та мурожаат ижроси алоҳида назоратга олинди.

Шунингдек, қабул давомида ҳарбий хизматчиларнинг ногиронлиги бўлган фарзандларига турли хил совғалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook