«O‘ZBEKISTON ADABIYOTI VA SAN’ATI» газетасининг 2022 йил 28октябрь кунги 40-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉 НАМАНГАННИНГ
ЎЗГАЧА ТОНГИ;
👉 МУҲАББАТ ҚУДРАТИ
Ўзбекистон Қаҳрамони, адиб ва таржимон Иброҳим ҒАФУРОВ билан суҳбат;
👉 СУВРАТИНГНИ ЧИЗАМАН, ВАТАН;
👉 ЗАМОНАВИЙ САНЪАТ НАМОЙИШИ;
👉 ВАТАН, АЙЛАНАЙИН, ТУПРО£ЛАРИНГДАН...; (Шарифа САЛИМОВА) шеърлари
👉 ВАТАН ҲАҚИДА ЁЗИШГА
КУЧИМ ЕТМАГАН ШЕЪРИМ;
новелла (Аҳмад АЪЗАМ)
👉 ҚАДОҚҚЎЛ КУЗ ҚИЛМОҚДА ИЖОД;
Шеър (Шодмонқул САЛОМ)
👉 СОДДА САТРЛАР СЕҲРИ;
👉 ҲАҚИҚАТГА МУҲАББАТ
Шоир Миразиз Аъзам ҳақида сўз;
👉 ИЖОДГА УЙҒУН УМР;
👉 УСТОЗ ИШОНЧИ — ШОГИРДГА ҚАНОТ;
👉 ЯХШИЛИК ЛИБОСИН КИЙГАНЛАР;

каби долзарб ва қизиқарли мақолаларни ўқишингиз мумкин.

http://t.me/UZASUZ

ҚИЗИЛГУЛ...

Қизилгул, қўйнимда ухлаб ётган гул,
Қўллари бўйнимда, ухлаб ётган гул.
Киприги кўксимга тиғдек ботган гул,
Сенга нима керак яна, эй, кўнгил...

Ёнимда солланар қирқ тилло кокил,
Тўлғонар, товланар қирқ тилло кокил.
Жонимдан айланар қирқ тилло кокил,
Сенга нима керак яна, эй, кўнгил...

Бешикни титратиб чинқирар оҳим,
Юзлари оппоғим, кўзи мунчоғим.
Бу ёруғ дунёда ўчмас чироғим,
Сенга нима керак яна, эй, кўнгил...

Жонимни чўқийди бир қуш келиб жим,
Мен сени билмайман, эй қушча, сен ким?..
Сен менга ҳеч киммас, мен сенга ҳеч ким,
Сенга нима керак яна, эй, кўнгил...

Қизил гул, қўйнимда ухлаб ётган гул,
Қўллари бўйнимда, ухлаб ётган гул...
О, менинг кўксимда йиғлаб ётган гул,
Кўнгил, сенга яна не керак, кўнгил?..

© Муҳаммад Юсуф

http://t.me/UZASUZ

ГУЛ

Қуриган, хиди йўқ, унутилган гул —
Китобни очаркан кўриб қолдим мен.
Ғалати хаёлга тўлди-да кўнгил,
Паришон термулиб, туриб қолдим мен:

Қаерда ва қачон, қайси бахорда —
Гуллаган? Узоқми? Ким узди экан?
Ёт қўлми, танишми узган нахорла.
Нима учун бу ерга қўйди экан?

Нозик бир висолнинг эсдалигими.
Ёки шум айрилиқ — фироқ ёдгори?
Ёки тинч сахрода, ўрмон соясида
Ёлғиз сайр, томоша хотиралари?

Тирикмикан йигит, тирикмикан қиз?
Шу пайтда уларнинг қайда гўшаси?
Ёки шу қуриган — сўлғин, белгисиз
Гул каби сўлдими хар иккаласи.

© Александр пушкин шеъри
© Миртемир таржимаси
1828

http://t.me/UZASUZ

#ибрат

28 октябрь — Халқаро бобо-бувилар куни! Фурсатдан фойдаланиб, бобо-бувиларимизнинг ҳолларидан хабар олиб қўямиз!

Дил ёришар дил сўзларидан,
Уларсиз кенг уйлар ҳувиллар.
Нур ёғилар юз-кўзларидан,
Омон бўлсин бобо-бувилар.

Дош беришган ҳар бало, дўлга,
Уларсиз боғ айланар чўлга,
Насиҳати бошлар ҳақ йўлга,
Омон бўлсин бобо-бувилар.

Шу ёшгача билмаган миннат,
Дейишади — тириклик неъмат,
Ҳар амали, ҳар гапи ҳикмат,
Омон бўлсин бобо-бувилар.

Танига куч-мадор тўлсинлар,
Ҳожи ота-она бўлсинлар,
Ёнимизда бардам юрсинлар,
Омон бўлсин бобо-бувилар.

©️ Дилобар Ўролова

Нишонига тегадиган гаплар фақат бизда:

http://t.me/UZASUZ

* * *
Ҳаммамиз қуёшда куйган жиззамиз,
қачон тиз чўкувдик, ҳамон иззамиз,
сирқираб оғрийди шишган тиззамиз,
ўриндан озгина турсак майлиму?

Ўтганлар бари бек, қолган жавдирар,
гардинда кўринмас ғуллар шалдирар,
меҳнатдан ёрилган қўллар қалтирар,
ўз беким ерида юрсак майлиму?

Насимлар гулламиш озод тоғларда,
озодлик муждаси сўлу соғларда,
боболар қийналиб тиккан боғларда
ағанаб бир хаёл сурсак майлиму?

Неча минг аллома, жўмардлар ўлган,
тафаккур сасиган, руҳлари сўлган,
уруғлар айниган тап-тақир чўлда
ўз беким давлатин қурсак майлиму?

Юз эллик йилдирки мана шу ҳолат,
ҳануз давом этар маккор тижорат,
билмадим, қаердан ушбу жаҳолат,
нега сиз бўлмайсиз сира хижолат?..

Нега мен сўрайман сиздан ижозат?!

© Шавкат Раҳмон

https://t.me/UZASUZ

ЭСЛАШ

Мен шу ёмғирларда Сени эсладим,
Чеҳрангни эслатди эзғин ёмғирлар.
Маъюс хазонларнинг қулоқларига,
Томчилар "мен келдим", дея шивирлар.

Қачон кўришамиз билмайман яна,
Қачон дийдорингга тўйгайдир кўзим.
Тушун, хазончеҳра ошиқлар каби,
Хазонга айланиб кетяпман ўзим.

Надомат шамоли эсди боғларда,
Дарахтлар мунғайди, қолди кексайиб.
Мен кузнинг бағрига ийманиб кирдим,
Куз мени бағрига босди жилмайиб.

...Лекин сен қайдасан шундай дамларда.
Боғларда ахир куз қилмоқда исён.
Жонингни оловлар ёқиб кетмасми,
Эй сен соғинишни билмаган инсон!

Томиримни ёққан бу ишқнинг ўти,
Бунчалар оғриқли, бунчалар қадим.
Сен шу лаҳзаларда мени унутдинг,
Мен шу ёмғирларда...
                               Сени эсладим...

© Гулжамол Асқарова

https://t.me/UZASUZ

«O‘ZBEKISTON ADABIYOTI VA SAN’ATI» газетасининг
2022 йил 16 ноябрь кунги 43-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉 УЧҚУДУҚ КЕНГЛИКЛАРИДА;
👉 ЯНГИ ЮКСАЛИШ БОСҚИЧИ;
👉 Маҳмуд ТОИР шеърлари;
👉 ТИНИҚ ТУЙҒУЛАР ИЖОДКОРИ;
👉 ЗАНГОРИ ДЕНГИЗ БОР ОСМОН БУРЖИДА;
Азиз САИД шеърлари
👉 ТУРКИЙ ХАЛҚЛАР ХАЗИНАСИ;
👉 БАХШИЛАР БАХШ ЭТГАН ГЎЗАЛЛИК;
👉 ОППОҚ ОРЗУЛАРДАН ҚАЛАМИ;
👉 ХУДОГА ҚАРАБ ҚОЧГАН ОДАМ; ЭССЕ Шодмонқул САЛОМ
👉 ИЛМНИНГ МАШАҚҚАТЛИ ЙЎЛИ;

каби долзарб ва қизиқарли мақолаларни ўқишингиз мумкин.

https://t.me/UZASUZ

ШАРШАРАМОЗОР
Даъво қилди бедаво кўнглим:
“Қора денгиз минг дардга даво”.
Дилдор, сенсиз шифо не даркор?!
Сенинг Қора денгиздан аъло,
Сочинг менга Шаршарамозор.

Вола қилди бенола кўнглинг:
“Юрагимни ёрди аразинг,
Қўрқинчлидир мен ютган алам.
Қўрққанидан кўзим қорасин
Чайиб ичди киприкларим ҳам”.

Наво қилди бенаво кўнглим:
“Ёр васли-ю, ўз тупроғисиз
Тузалмайди ўлса ҳам одам.
Элу юртсиз, ишқ титроғисиз,
Ўлим афзал бундай шифодан”.

Кўзинг қаро денгиздир, эркам.
Юрак санчар – ҳасрати улкан –
Игнаси гул тикар болишга.
Кўзларингга боқиб дард билан
Уринаман яшаб қолишга...

Ҳаво қилар беҳаво кўнглинг:
“Тегизмайман қўлларим тугул
Қўлларимнинг соясини ҳам.
Синиқ кўнглинг тузалур буткул,
Кўзларимнинг мумиёси малҳам”.

Даъво қилар бедаво кўнглим:
“Денгиз эмас дардимга даво,
Сенсиз менга дунё не даркор?!
Сенинг Қора денгиздан аъло
Сочинг менга Шаршарамозор”.*
Шуҳрат АЗИЗОВ,
Ўзбекистон Ёзувчилар уюшмаси аъзоси
23.11.2022
*Шаршарамозор – Сариосиё туманидаги шифобахш маскан.

Menda bir so‘m bor. Sizda ham bir so‘m bor... Men sizga o‘zimning
pulimni berdim. Siz ham menga o‘zingizning pulingizni berdingiz…
Hech nima o‘zgarmadi. Sizda ham bir so‘m pul qoldi, menda ham...

Menda yangi fikr bor. Sizda ham yangi fikr bor... Men sizga yangi fikrimni aytdim. Siz ham menga yangi fikringizni aytdingiz... Sizda ham ikkita fikr paydo boʻldi, menda ham...

Esli odam pul almashmaydi, fikr almashadi.

📝O‘tkir Hoshimov

📱@UZASUZ

«O‘ZBEKISTON ADABIYOTI VA SAN’ATI» газетасининг
2022 йил 2 декабрь кунги 47-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉 МАЪРИФАТЛИ ОДАМЛАР
маърифатли жамиятни барпо этади ;
👉 ДАВРОНЛАРИ БОР ДУНЁ; Ҳайдар ТЎРА шеърлари
👉 ОСМОНЛАРГА ДИЛ ШАЙДО; Беҳзод ФАЗЛИДДИН
шеърлари
👉 ОЛОВДАН ЧИҚҚАН ОДАМ; Ҳожиакбар ШАЙХОВ (ҳикоя)
👉 ОДДИЙГИНА ФАВҚУЛОДДА ИЖОД;
👉 ҲУРМАТСИЗ ДЎСТИМ;
👉 БАЛАНД ТОҒЛАР
ҚОШИДА;
👉 КЎНГЛИ ТОЗА ИНСОН;
👉 «РАТАЛЛА» — АДИГЕЙ САҲНАСИДА;
👉 ТАБИАТНИНГ ГЎЗАЛ ТУҲФАСИ;

каби долзарб ва қизиқарли мақолаларни ўқишингиз мумкин.

@UZASUZ

«O‘ZBEKISTON ADABIYOTI VA SAN’ATI» газетасининг
2022 йил 8 декабрь кунги 48-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉 КУЧ — АДОЛАТДА;
👉 ОЛИС ЮЛДУЗ ШУЪЛАСИ
ёхуд бир сиқим тупроқ;
👉 ҚАРДОШЛИК МАНЗИЛИ;
👉 ОСМОНДА — ҚУЁШ, ЕРДА УСТОЗ АЗИЗ;
👉 ҚУШ ТИЛИДА ХОНИШЛАР ЭТДИМ; Яҳё ТОҒА шеърлари
👉 ҚУЁШДЕК БАХТИМИЗ КУЛГАЙ; Зиёвиддин МАНСУР шеърлари
👉 ЎКИНЧ; Абдулла АЙИЗОВ (ҳикоя)
👉 УМР ЙЎЛИ –ИЛМ ЙЎЛИ;
👉 ТОШ БИТИКЛАР КУЙЧИСИ;
👉 ОРЗУЛАРГА ҚАЙТИШ МАНЗИЛИ;
👉 ФЕСТИВАЛДАН КЕЙИНГИ ЎЙЛАР;
👉 МЎЪЖИЗАЛАР САРОЙИ;
👉 КАРВОН ЙЎЛИ БАРДАВОМ;
👉 ЮТУҚ КИМНИКИ?;

каби долзарб ва қизиқарли мақолаларни ўқишингиз мумкин.

@UZASUZ

«O‘ZBEKISTON ADABIYOTI VA SAN’ATI» газетасининг
2022 йил 30 декабрь кунги 52-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉СОКИН СУҲБАТЛАРДАН БИР ШИНГИЛ;
👉 САНЪАТГА БАХШИДА УМР;
👉Қор қўшиғи; Матназар АБДУЛҲАКИМ
👉КУМУШБИБИНИНГ АРАВАСИ;
👉ЭРКИН ВОҲИДОВНИ ЁД ЭТИБ...;
👉УСТОЗ БЎЛИШ ШАРАФИ;
👉ЧИРОҚЧИДА АДАБИЁТ БАЙРАМИ;
👉ЎҒИРЛАНГАН БОЛАЛИК;
👉СУМБУЛА СОЙИГА ШЕЪРЛАР ОҚИЗДИМ; Фароғат ХУДОЙҚУЛОВА шеърлари
👉 БАРЧИНЛАРГА ҚОНДОШ ҚИЗИНГМАН; Одина ОБИДЖОН қизи шеърлари
👉 ҚОРБОБО; Муҳаббат ЙЎЛДОШЕВА ҳикоя
👉 ДЕВОН ТУЗИШ АНЪАНАСИ;
👉 КУМУШБИБИНИНГ АРАВАСИ;
👉ФУТБОЛ ТЎПИ ҲАҚИДА КИМ ҚАНДАЙ ЁЗАДИ?;
👉БОҒЧАГА ЙЎЛ ОЛАЙЛИК; Нуруллоҳ ОСТОН
шеърлари

каби долзарб ва қизиқарли мақолаларни ўқишингиз мумкин.

@UZASUZ

ЯНГИ ЙИЛ

Кўнгил маъюс тортди йилнинг сўнгида,
Билмам, ниманг билан сеҳрладинг, қор.
Бугун куппа-кундуз кўзим ўнгида,
Яна бир ёшимни ўғирладинг, қор.
Қирқинчи қасримга ўтайми энди,
Кечаги ёшлигим эртакми энди?..

Баҳорим етгудек қўлим узатсам,
Етолмай дилимни не деб юпатсам.
Лайлакқор, азизим, ғалат байрам бу,
Кулиб кузатсамми, йиғлаб кузатсам…
Дардим жим ичимга ютайми энди,
Кечаги ёшлигим эртакми энди?

Сўрсанг, севинчимдан ўкинчим кўпроқ,
Сендан-да кумушроқ сочимдаги оқ.
Йилим келмай туриб, йилим кетмоқда,
Кўзда табассум-у киприкда титроқ.
Мен ҳам сал шошдим-да, қайтайми энди,
Кечаги ёшлигим эртакми энди?

Янги йил, келавер қандай келсанг ҳам
Кимлар етди сенга, кимлар етмади.
Сен янги йўлдошсан, сен янги ҳамдам,
Йўқлаб келганингни ўзи бир байрам.
Қулоғингга бир гaп айтайми, энди,
Кечаги ёшлигим эртакми, энди...

© Муҳаммад Юсуф

@UZASUZ

АТИРГУЛ

Гуллар оқшом чоғида
ўйга толар эмишлар,
Қуёш ботган тарафга
қараб қолар эмишлар.

Сўнг барчаси субҳидам
сал ийманиб, нозланиб,
Қуёшни кутар эмиш
шарқ томонга юзланиб.

Фақатгина атиргул,
соғинч доғлаб кўксини,
Қуёши кетган йўлдан
олмас эмиш кўзини.

Терс томондан кун чиққач,
тўлиб шабнам – кўзёшга,
Ҳайрату араз билан
қайрилармиш қуёшга.

...Мен бир – сафар одами
йўлда кечар ҳаётим.
Гулим, дилда ёнади
бир илтижо, бир додим.

Бу дунёда йўл кўпдир,
Гулим, умрим – хаёлдан:
Гоҳи жанубга ботиб,
чиқадирман шимолдан.

Атиргулим – севгилим,
мен қайларда елмайин,
Кетиб қайси кўчадан,
қайси йўлдан келмайин.

Кўзларингни қадаб қол
қуёш янглиғ дилимга,
Келгунимча қараб қол,
жўнаб кетган йўлимга!...

© Мирзо Кенжабек

@UZASUZ

#Sevimli

Muzqaymoq yer edi mening qo'limdan...

✍ Salim ASHUR

@SalimASHUR

«O‘ZBEKISTON ADABIYOTI VA SAN’ATI» газетасининг
2023 йил 27 январь кунги 3-сони мутолаа учун ҳавола этилмоқда.

НАШРНИНГ БУГУНГИ СОНИДА:
👉 «БИЗ БУНДАН БУЁН ЭСКИЧА ЯШАЙ ОЛМАЙМИЗ ВА БУНДАЙ ЯШАШГА
ЗАМОННИНГ ЎЗИ ЙЎЛ ҚЎЙМАЙДИ»;
👉 «ШЕЪР ЁЗИБ, ШЕЪР ЎҚИБ, ТЎКИЛСАМ...»;
👉 ЗОТАН КЎЗЛАРИМДА СЕВИНЧДИР ЗОҲИР; Турсун АЛИ шеърлари
👉 ДУНЁ ГУЛГА ТЎЛСА; Нозимшоҳ ДИЛКАШ шеърлари
👉 УЙ ХИЗМАТКОРИ; Шаҳло АҲРОРОВА ҳикояси
👉 ЙЎҚОТИШ; Содиқжон ИНОЯТОВ ҳикояси
👉 «ИТТИФОҚИЙ УМУР ВА ҒАРОБАТЛИҚ СЎЗЛАР»;
👉 БИР АСР БУРУНГИ ҚОТИЛЛИК ҚИССАСИ
ёхуд Маҳмудхўжа Беҳбудий ҳақидаги детектив асар хусусида;
👉ЧЎЛПОН;
👉 ХАЛҚАРО ТАНЛОВ ҒОЛИБИ;
👉ҚИЗИЛҚУМ КЕНГЛИКЛАРИДА;

каби долзарб ва қизиқарли мақолаларни ўқишингиз мумкин.

@UZASUZ

#ВАТАН

* * *

Етишмайди баъзан олов,
Баъзан гугурт, баъзан ўтин.
Сув излайди баъзан биров,
Улов излар кимдир, лекин…

Баъзан йўллар ўйдим-чуқур,
Ўзгаради турмуш секин.
Ҳали кимдир қилмас ҳузур,
Кимдир камроқ кулар, лекин…

Тушунмайди баъзан ҳаво,
Баъзан тушунмайди экин.
Баъзан сувга оқар даво,
Кечикади дармон, лекин…

Лекин ҳали уфқларда
Жаннат каби кунлар кутар.
Гуллар кулар совуқларда,
Қушлар ҳали тилла ютар.

Фарзандларим бол ейдилар,
Гулда сузар қора ерлар.
Буни азиз юрт дейдилар,
Буни азиз Ватан дерлар.

✍ Салим АШУР

@SalimASHUR