#Xalqaro_hamkorlik

🤝 Fan va texnologiyalar universiteti (USAT) hamda Belarus davlat iqtisodiyot universiteti (BDIU) o‘rtasida hamkorlik to’g’risida memorandum imzolandi.

Ushbu memorandum doirasida quyidagi tadbir va dasturlarni amalga oshirish ko’zda tutilgan:

- qo’shma ta’lim va ilmiy loyihalarni ishlab chiqish;

- qo‘shma ilmiy markazlar va laboratoriyalar tashkil etish bo‘yicha ishlarni olib borish;

- xalqaro loyihalarda birgalikdagi ilmiy-tadqiqot faoliyatini yo’lga qo’yish;

- qo’shma ta’lim dasturlari doirasida ikki diplomli dasturlarni yo’lga qo’yish;

- rahbariyat, ilmiy xodimlar, professor-o'qituvchilar, ilmiy tadqiqodchilar va talabalarning o’zaro tashriflarini tashkil qilish;

- ilmiy-amaliy konferensiyalar, simpoziumlar, seminarlar, mashg‘ulotlar, treninglarda qatnashish, telekonferensiya va telemostlarni, masofaviy darslarni tashkil qilish;

- qo'shma o'quv va o'quv-uslubiy nashrlarni tayyorlash.

1933-yilda tashkil etilgan Belarus davlat iqtisodiyot universiteti mamlakatning iqtisodiyot sohasidagi yetakchi oliy ta'lim muassasasi hisoblanadi. Universitetlarning milliy reytingiga ko'ra, BDIU 2023-yilda 57 ta oliygoh ichida 13-o’rinni egallagan.

Eslatib o’tamiz, avvalroq USAT hamda Xoʻja Ahmad Yassaviy nomidagi xalqaro qozoq-turk universiteti o’rtasida ham hamkorlik to’g’risida memorandum imzolangan edi.

📞 Call-markaz: +99878-888-38-88
📍 Manzil: Toshkent shahri, Algoritm dahasi, Diydor ko'chasi 71.
📍 Mo'ljal: sobiq Roison binosi
📍 Lokatsiya

📹Instagram |💬Telegram |📱Facebook |📹YouTube

#Xalqaro_hamkorlik

🤝 9 fevral kuni Fan va texnologiyalar universitetiga Yefrosiniya Polotskaya nomidagi Polotsk davlat universiteti (Belarus Respublikasi) rektori Romanovskiy Yuriy Yatsentovich tashrif buyurdi.

Suhbat chog‘ida ikki oliy o‘quv yurti delegatsiyalari o‘rtasida muzokaralar o‘tkazildi, unda ta’lim va ilmiy-tadqiqot sohalarida o‘zaro manfaatli hamkorlik masalalari muhokama qilindi.

Muzokaralar yakunida USAT rektori Anvar Xamdamov va PDU rektori Yuriy Romanovskiy ikki ta’lim muassasasi o‘rtasida hamkorlik to’g’risidagi memorandumni imzoladilar.

Tashrifning rasmiy qismidan so‘ng mehmon uchun universitet bo‘ylab ekskursiya tashkil etildi. Yuriy Yatsentovich universitetning texnik ta’minlanganligi va infratuzilmasi xorijiy oliy o‘quv yurtlari standartlariga javob berishini alohida ta’kidladi.

Aytib o’tish lozim, Polotsk davlat universiteti 1968-yilda tashkil etilgan. Bugungi kunda universitet texnik, moliyaviy, iqtisodiy, gumanitar va pedagogik yo‘nalishlar bo‘yicha 83 ta bakalavriat, magistratura va aspirantura dasturlari hamda 18 ta doktorantura dasturlarini taklif etadi.

📞 Call-markaz: +99878-888-38-88
📍 Manzil: Toshkent shahri, Algoritm dahasi, Diydor ko'chasi 71.
📍 Mo'ljal: sobiq Roison binosi
📍 Lokatsiya

📹Instagram |💬Telegram |📱Facebook |📹YouTube

🏆🏆🏆

“Fan va texnologiya” xalqaro ilmiy-texnik jurnalida iqtisod fanlari doktori, Fan va texnologiyalar universiteti “Iqtisod” fakulteti dekani, professor Gaibnazarova Zumrat Talatovna hammuallifligida yozilgan “Zaif formallashtirilgan jarayonlarda bankrotlik xavfini prognoz qilish” mavzusidagi maqola chop etildi.

Maqolada prognozlash maqsadida zaif formallashtirilgan jarayonlarda bankrotlik xavfi modeli ishlab chiqilgan.

Aytib o’tish lozim, ushbu jurnal Web of Science, EBSCO, DOAJ, WorldCat, OpenAIRE, Google Scholar, Rossiya ilmiy iqtiboslar indeksi, “Lan” elektron kutubxona tizimi, “CyberLeninka” ilmiy elektron kutubxona, “Sotsionet” va boshqa ko’plab xalqaro tan olingan maʼlumotlar bazalariga kiritilgan.

Jurnal 2002-yildan beri Belarus milliy texnika universiteti tomonidan nashr etiladi.

📞 Call-markaz: +99878-888-38-88
📍 Manzil: Toshkent shahri, Algoritm dahasi, Diydor ko'chasi 71.
📍 Mo'ljal: sobiq Roison binosi
📍 Lokatsiya

📹Instagram |💬Telegram |📱Facebook |📹YouTube

14-fevral kuni universitetimizga Yefrosiniya Polotskaya nomidagi Polotsk davlat universitetining “Gumanitar fanlar” fakulteti dekani Aleksey Leonidovich Radyuk tashrif buyurdi.

Tashrif davomida Aleksey Radyuk “Iqtisodiyot” fakulteti dekani, professor Gaibnazarova Zumrat Talatovna hamda "Ijtimoiy fanlar" fakulteti dekani Chariyev Tursun Xuvayevich bilan uchrashib, muzokaralar olib bordi.

Uchrashuvda 9-fevral kuni ikki universitet rektorlari tomonidan imzolangan hamkorlik to’g’risidagi memorandum ijrosini ta’minlash masalalari muhokama etildi.

Jumladan, tomonlar qo’shma ta’lim va ilmiy loyihalarni ishlab chiqish, xalqaro loyihalarda birgalikda ilmiy-tadqiqot ishlarini olib borish, qo'shma o'quv-uslubiy nashrlarni tayyorlash, professor-o'qituvchilar va talabalar akademik mobilligini yo'lga qo'yish, ularni malaka oshirish va stajirovkalarga yuborish kabi yo’nalishlarda hamkorlik qilishga kelishib olindi.

📞 Call-markaz: +99878-888-38-88
📍 Manzil: Toshkent shahri, Algoritm dahasi, Diydor ko'chasi 71.
📍 Mo'ljal: sobiq Roison binosi
📍 Lokatsiya

📹Instagram |💬Telegram |📱Facebook |📹YouTube