#Xalqaro_hamkorlik

😃 Universitetimiz prorektori Gaibnazarova Zumrat Talatovna Belarus Respublikasiga tashrif buyurib, Belarus Milliy Fanlar akademiyasining "Materialshunoslik ilmiy-amaliy markazi" Davlat ilmiy-ishlab chiqarish birlashmasi olimlari bilan uchrashdi. Markaz zumrad, olmos, sapfir va aleksandrit kabi sintetik qimmatbaho toshlar ishlab chiqarishning noyob texnologiyasini yaratib, yuqori sifatli zargarlik mahsulotlari ishlab chiqarishni yo‘lga qo‘ygani e’tiborga molik.

🤝 Zumrat Talatovna, shuningdek, Belarus Milliy Fanlar akademiyasining Tizimli tahlil va strategik tadqiqotlar markazi direktori Valeriy Goncharov bilan uchrashib, ilmiy hamkorlik istiqbollarini muhokama qildi.

Bundan tashqari, prorektorimiz "Fan-texnologiya-innovatsiyalar" tizimi: metodologiya, tajriba, istiqbollar" mavzusidagi IX Xalqaro ilmiy-amaliy konferensiyaning plenar majlisida ishtirok etib, ma’ruza bilan chiqish qildi.

🇺🇿🇧🇾 Eslatib o‘tamiz, 26-avgust kuni Belarus Respublikasi Milliy Majlisi Kengashi raisi Natalya Kochanova boshchiligidagi delegatsiya O‘zbekistonga tashrif buyurgan edi. Tashrif doirasida Belarus Milliy Fanlar akademiyasi vakillari universitetimizga kelib, o‘zaro manfaatli hamkorlikni kengaytirish istiqbollarini muhokama qilishgan edi. Shu kuni universitetlarimiz o’rtasida hamkorlik to‘g‘risidagi bayonnoma imzolangan.

🔵 Biz bilan aloqa: +99878-888-38-88 | Admin | Lokatsiya

📱 Instagram 📱 Facebook 📱 Youtube 🌐 Sayt

#Xalqaro_hamkorlik

😃 Fan va texnologiyalar universiteti prorektori Gaibnazarova Zumrat Talatovna Belarus Respublikasiga tashrifi davomida bir qator xalqaro seminar va konferensiyalarda faol ishtirok etdi.

Jumladan, prorektorimiz "Jahon iqtisodiyoti va biznes boshqaruvi" mavzusidagi 20-Xalqaro ilmiy seminarning plenar majlisida "Yangi O‘zbekistonning jahon savdosiga integratsiyalashuvi" mavzusida ma’ruza qildi va hamkasblarining katta qiziqishini uyg‘otdi.

Shuningdek, Zumrat Talatovna Belarus milliy texnika universiteti tomonidan tashkil etilgan "Scientific, Industrial and Educational Integration" xalqaro ilmiy konferensiyasining plenar majlisida ham so‘zga chiqdi. Konferensiya ingliz tilida o‘tkazildi va prorektor o‘zining "Integration of Education, Production and Science is the Main Driver of Economic Growth" nomli ma’ruzasida iqtisodiy o‘sishni rag‘batlantirish uchun ta’lim, ishlab chiqarish va ilm-fanni birlashtirish muhimligini ta’kidladi.

Ma’lumot uchun, Belarus milliy texnika universiteti QS WUR reytingida 801-o‘rinda, QS EECA reytingida 82-o‘rinda turgan yirik universitet bo‘lib, unda 32 ming talaba, 1200 nafar professor-o‘qituvchilar faoliyat olib boradi.

🔵 Biz bilan aloqa: +99878-888-38-88 | Admin | Lokatsiya

📱 Instagram 📱 Facebook 📱 Youtube 🌐 Sayt

#Xalqaro_hamkorlik

🇺🇿🇧🇾Belarus Respublikasiga tashrif buyurgan Fan va texnologiyalar universiteti prorektori Gaynazarova Zumrat Talatovna 3-oktyabr kuni Belarus milliy texnika universiteti "Muhandislik iqtisodiyoti" yo‘nalishi 2-kurs talabalari uchun "Xalqaro iqtisodiyot" fani bo‘yicha ma’ruzalar o‘tkazdi.

4-oktyabr kuni prorektorimiz Belarus davlat iqtisodiyot universiteti "Tijorat va turizm sanoati" fakultetining 3-kurs talabalari uchun ham ma’ruzalar o‘tkazdi. "Ta’lim sohasida davlatning ijtimoiy siyosati" va "Yangi O‘zbekistonning jahon savdosiga integratsiyalashuvi" mavzulari talabalar orasida katta qiziqish uyg‘otdi.

Shu kunning o‘zida Zumrat Talatovna iqtisodiyot fanlari doktori, professor va Belarus Respublikasida xizmat ko‘rsatgan fan arbobi G.A. Korolenko hamda "Tijorat va turizm industriyasi" fakulteti dekani A.I. Yerchak bilan uchrashdi. Uchrashuvda tomonlar ilgari imzolangan ikki tomonlama kelishuvga asoslanib, universitetlar o‘rtasida ilm-fan va ta’lim sohasidagi hamkorlikni yanada rivojlantirish istiqbollarini muhokama qildilar.

🔵 Biz bilan aloqa: +99878-888-38-88 | Admin | Lokatsiya

📱 Instagram 📱 Facebook 📱 Youtube 🌐 Sayt

#Xalqaro_hamkorlik

😃 Bugun, 21-oktyabr kuni Fan va texnologiyalar universiteti dunyoning yetakchi ta’lim muassasalaridan biri - QS reytingida TOP-300 talikka kirgan Pekin texnologiya instituti delegatsiyasini qabul qildi.

🤝 Tashrif davomida Pekin texnologiya instituti vitse-prezidenti janob Wang Bencong oliygoh faoliyati haqida batafsil so‘zlab berdi va universitetimiz bilan mustahkam aloqalar o‘rnatganidan mamnunligini bildirdi. U ushbu sheriklikni mustahkamlash va kelgusida rivojlantirish niyatida ekanini ta’kidladi.

✍️ Uchrashuvning muhim yakuni sifatida professor-o‘qituvchilar almashinuvini tashkillashtirish, talabalar almashinuvi dasturlarini ishga tushirish, stajirovka va malaka oshirishni tashkil etishga qaratilgan ikki tomonlama memorandum imzolandi.

🇺🇿🇨🇳 Pekin texnologiya instituti vakillari imzolangan memorandum kelajakda ulkan maqsadlarga erishish uchun asos bo‘lishini ta’kidlashdi. Tashrif yakunida uzoq muddatli va samarali hamkorlikning boshlanishi ramzi bo‘lgan esdalik sovg‘alari topshirildi.

🔵 Biz bilan aloqa: +99878-888-38-88 | Admin | Lokatsiya

📱 Instagram 📱 Facebook 📱 Youtube 🌐 Sayt