🩺🗣Termiz shahar tibbiyot birlashmasiga qarashli ko‘p tarmoqli markaziy poliklinika katta hamshirasi Chorshanbiyeva Salomat Pardayevna O‘zbekiston Respublikasi bo‘yicha o‘tkazilgan “Yilning eng yaxshi o‘rta tibbiyot va farmatsevtika xodimi – Hamshira-2025” ko‘rik-tanlovida faxrli 1-o‘rinni qo‘lga kiritdi!

⏺ Ushbu yutuq – nafaqat Termiz shahri, balki butun Surxondaryo viloyati sog‘liqni saqlash tizimi xodimlari uchun katta g‘urur va motivatsiya manbai bo‘ldi. Fidokorona mehnatlari, kasbiga bo‘lgan sadoqati, bemorlar salomatligiga mas’uliyat bilan yondashuvi tufayli erishilgan ushbu yutuq – tibbiyot sohasidagi fidoyi ayol mehnatiga berilgan munosib e’tibordir.

⏺Termiz shahar hokimligi jamoasi nomidan Chorshanbiyeva Salomat Pardayevnani ushbu yutuq bilan chin dildan tabriklaymiz, kelgusi faoliyatlarida ulkan zafarlar, sog‘liq, bardavom muvaffaqiyatlar tilaymiz!

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣Navbatdagi "Siyosiy-ma’rifat soati" bo‘lib o‘tdi

⏺Bugungi kunning eng muhim va dolzarb mavzulari, jahonda va mamlakatimizda sodir bo‘layotgan voqea-hodisalar haqida ma’lumot berib boruvchi “Siyosiy-ma’rifat soati” bo‘lib o‘tdi. Unda shahar hokimligi apparat xodimlari ishtirok etishdi.

⏺Mazkur o‘quv soatida spikerlar tomonidan hafta davomida qabul qilingan normativ-huquqiy hujjatlarning mazmun-mohiyati va mamlakatimizdagi o‘zgarishlar haqida so‘z bordi.

⏺Ushbu online siyosiy-ma’rifat soati Prezident huzuridagi Davlat xizmatini rivojlantirish agentligining ilm.argos.uz  platformasi hamda You Tube orqali kuzatib borishingiz mumkin.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🎀Kashtalar jilosi | Termiz shahar bosqichi

🌸O‘zbek xalqining bebaho madaniy merosi — kashtachilik san’atini targ‘ib etish, milliy qadriyatlarimizni asrab-avaylash va yosh avlod qalbida ushbu nozik san’atga bo‘lgan hurmat va mehrni yanada mustahkamlash maqsadida Termiz shahrida “Kashtalar jilosi” nomli shahar bosqichidagi ijodiy-ko‘rgazmali tadbir bo‘lib o‘tdi.

🌸Tadbir doirasida turli kashtachilik uslublarini o‘zida mujassam etgan badiiy asarlar, milliy naqshlar bilan bezatilgan zamonaviy kiyim-kechaklar, uy-ro‘zg‘or buyumlari hamda xalq amaliy san’ati namunalarining ko‘rgazmasi tashkil etildi. Qo‘l mehnati bilan yaratilgan ushbu asarlar mehmonlar va ishtirokchilarda katta taassurot qoldirdi, ularning har biri yurtimizning boy madaniy merosidan dalolat berib turdi.

🌸 “Kashtalar jilosi” tadbirining Termiz shahar bosqichi o‘zining mazmunan boy va ruhiy-ma’naviy jihatdan yuksak darajadagi tashkiliy ko‘rinishi bilan ajralib turdi. Bu kabi loyihalar yoshlarimizga milliy qadriyatlarimizni sevish, ularga sadoqat ruhida yashash, shuningdek, ijodkorlik salohiyatini yuzaga chiqarish imkonini yaratmoqda. Tadbir o‘z navbatida xalq amaliy san’atini zamonaviy talablar asosida tiklash va yanada rivojlantirish yo‘lidagi muhim qadamlardan biri bo‘ldi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram