🗣“Dolzarb to‘qson kunlik” doirasida ezgu tashabbuslar davom etmoqda

⏺Termiz shahrida “Dolzarb 90 kunlik” tadbirlari doirasida ezgulik va mehr-oqibatni ulug‘lovchi tashabbuslar izchil amalga oshirilmoqda. Ayniqsa, jamiyat e’tiboridan chetda qolmasligi lozim bo‘lgan ehtiyojmand oilalar va ularning farzandlariga alohida g‘amxo‘rlik ko‘rsatilayotgani tahsinga loyiqdir.

⏺1-iyun xalqaro bolalarni himoya qilish kuni munosabati bilan Termiz shahridagi “Serenada” tantanalar saroyida yuksak darajada tashkil etilgan yana bir ezgu tadbir – sunnat to‘yi marosimi bo‘lib o‘tdi. Unda 500 nafarga yaqin mehmon – nuroniy otaxon-u onaxonlar, mahalla faollari, yoshlar, turli soha aholi vakillari ishtirok etdilar.

⏺Tadbir davomida 40 nafar ehtiyojmand oilalar farzandlari uchun keng ko‘lamli sunnat to‘yi tashkil etilib, har bir bolajonning qalbida unutilmas xotiralar qoldi. Marosim davomida yurtimizga taniqli san’atkorlar, jumladan, Toshkent shahridan tashrif buyurgan el suygan ijodkorlar ham ishtirok etib, o‘z chiqishlari bilan tadbirga bayramona ruh bag‘ishladilar.

⏺Ushbu xayrli ish orqali mehr-muruvvat, bag‘rikenglik va milliy qadriyatlarimiz yana bir bor ulug‘landi. Ayniqsa, bolajonlarning yuzidagi tabassum, ota-onalarning duosi va xalqimizning bir yoqadan bosh chiqarib ko‘rsatgan birdamligi – bu tashabbusning eng yuksak samarasidir.

⏺Shunday ezgu amallar davomli bo‘lsin! Birlik va hamjihatlikda yurtimizning har bir go‘shasida yana-da ko‘proq xursandchilik, farovonlik va baxtiyorlik hukm sursin!

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🎀Ayollarga ehtirom – yurakdan kuylangan tarona

🌸Termiz shahri San’at saroyida viloyatimiz ayollariga bag‘ishlab yuksak ruhda tashkil etilgan bayramona gala konsert dasturi bo‘lib o‘tdi. Tadbir ayollarni qo‘llab-quvvatlash, ularning ijtimoiy faolligini oshirish va madaniy hordiq chiqarishlarini ta’minlash maqsadida o‘tkazildi.

🌸Ushbu tantanali kechada viloyatimizning turli hududlaridan tashrif buyurgan ayollar, xususan, ehtiyojmand, og‘ir ijtimoiy toifadagi hamda ijtimoiy himoyaga muhtoj oilalar vakillari ishtirok etdilar. Ular uchun tashkil etilgan konsert dasturi ko‘ngillarni ko‘tardi, qalblarni quvontirdi. Ular uchun professional motivatorlar, psixologlar, marketologlar hamda "Kuch va ishonch" loyihasi rahbarlari tomonidan ilhomlantiruvchi ma’ruzalar va amaliy maslahatlar taqdim etildi.

🌸Tadbirning bosh mehmoni – yurtimizda katta hurmat va e’tiborga sazovor bo‘lgan, elimiz suygan san’atkor Ravshan Komilov bo‘lib, u kechaga o‘zgacha ruh bag‘ishladi. U ijro etgan kuy-qo‘shiqlar, yurakdan chiqqan so‘zlar va hayotiy ohanglar barcha ishtirokchilarning qalbiga iliqlik olib kirdi.

🌸Ayollarimizga nisbatan e’tibor va ehtirom, ularning jamiyatdagi o‘rnini yuksaltirish borasidagi bunday tashabbuslar — ezgulik va mehr-oqibat ramzidir. San’atning sehrli kuchi orqali bunday tadbirlar jamiyatda ijobiy kayfiyat, umid va mehr-muhabbat tuyg‘ularini mustahkamlaydi.

🎀Ayolni qadrlagan jamiyat – baxtli jamiyatdir.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣 Yozgi sog'lomlashtirish oromgohlari bolajonlarga o‘z quchog‘ini ochdi

⏺ Termiz shahar Maktabgacha va maktab ta'limi bo'limi tasarrufidagi 6-, 14-, 16-, 21-, 26-sonli umumta'lim maktablarida ulg‘ayib kelayotgan yosh avlodni jismonan va ruhan sog‘lom voyaga yetkazish hamda bo‘sh vaqtlarini mazmunli tashkil etish maqsadida tashkil etilgan kunduzgi sog'lomlashtirish oromgohlari bugundan ish faoliyatini boshladi.

⏺ Jami 5 ta maktabda tashkil etilgan ushbu yozgi oromgohlarga jami 550 nafarga yaqin o'quvchilar jalb qilinib, bolalar bo'sh vaqtini mazmunli o'tkazmoqda.

⏺Mazkur kunduzgi oromgohlarda bolalarning vaqtini mazmunli o‘tkazish uchun barcha sharoitlar yaratilgan bo‘lib, oromgohlar faoliyati 2-iyundan 13-iyunga qadar davom etadi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram