🗣Termiz shahar hududida reklamalarni tartibga solish ishlari davom etmoqda

⏺Termiz shahar hokimligi Ishchi guruhi a’zolari tomonidan Raqobatni rivojlantirish va iste’molchilar huquqlarini himoya qilish qo‘mitasining Surxondaryo viloyati hududiy boshqarmasi bilan hamkorlikda shahar hududining Taraqqiyot hamda Shukrona kochalaridagi noqonuniy o‘rnatilgan reklama qurilmalari, axborot yozuvlari, e’lonlar, peshlavhalar, tashqi reklama bannerlari demontaj qilindi.

⏺Hurmatli tadbirkorlar!!! Tashqi axborot yozuvlari, e’lonlar, peshlavhalarning, reklama qurilmalarini o‘rnatishda O‘zbekiston Respublikasining “Davlat tili haqida”gi va “Reklama to‘g‘risida”gi Qonunlari hamda Vazirlar Mahkamasining “Tashqi reklama va ijtimoiy axborotning aylanish sohasidagi munosabatlarni tartibga solishni yanada takomillashtirish chora-tadbirlari to‘g‘risida” 2023-yil 31-avgustdagi 428-sonli qarori talablariga rioya etishingiz so‘raladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣“Yurtimiz kelajagini bunyod etadigan yosh avlod maktabda tarbiyalanadi – shuning uchun har bir sinf xona, maktab hovlisi farzandlarimiz orzulari boshlanadigan muqaddas maskan bo‘lishi kerak.” — Sh.Lolayev

⏺Bugun Termiz shahar hokimi Sh.Lolayev 9-maktabda shahardagi barcha umumta’lim maktablar direktorlari va mas’ul mutasaddilari ishtirokida muhim yig‘ilish o‘tkazdi.

⏺Uchrashuv davomida shahar hokimi 9-maktabda olib borilayotgan ta’mirlash ishlarini xonama-xona kirib, shaxsan o‘rganib chiqdi. U maktab binosining holati, ta’lim-tarbiya jarayonlari uchun yaratilayotgan sharoitlar va xavfsizlik choralari yuzasidan tegishli mutasaddilarga aniq ko‘rsatmalar berdi.

⏺Yangi 2025–2026-o‘quv yiliga puxta tayyorgarlik ko‘rish maqsadida Termiz shahridagi 26 ta umumta’lim maktabi uchun jami 400 million so‘mlik qurilish-ta’mirlash materiallari taqdim etildi. Ushbu tashabbus ta’lim muassasalarini yangi o‘quv yiliga munosib holatga keltirishga xizmat qiladi.

⏺Shahar hokimi har bir maktabga alohida tashrif buyurib, tayyorgarlik holatini shaxsan o‘rganishini ta’kidladi. Shu bilan birga, u maktab hududlari, ayniqsa hovlilarning obodonlashtirilishi, yashil maydonlar va ko‘kalamzorlashtirish ishlariga ham alohida e’tibor qaratish lozimligini mutasaddilarga qat’iy takidlab o’tdi.

⏺ Ushbu tashrif ta’lim tizimida sifatli muhit yaratish va o‘quvchilarga qulay sharoitlar yaratishga qaratilgan izchil islohotlarning yana bir amaliy ifodasidir.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram