🗣Surxondaryo viloyati hokimi Ulug‘bek Qosimov hududlardagi o‘rganishlarini Termiz shahrida davom ettirdi.

⏺Dastlab, Manguzar mahallasida joylashgan "Yangi Termiz city" va Saxovat mahallasining "Termiz biznes sity" majmualarida olib borilayotgan zamonaviy qurilish ishlari, jumladan, ko‘p qavatli uy-joylar, mehmonxonalar, savdo va xizmat ko‘rsatish markazlari qurilishi ko‘zdan kechirildi. Amalga oshirilayotgan qurilish ishlari to‘g‘risida mas’ullarning hisoboti tinglandi.

⏺Shundan so‘ng Toshkent tibbiyot akademiyasining Termiz filiali uchun mo‘ljallangan 1 500 o‘rinli o‘quv binosi qurilishi va jihozlanishi holati ko‘zdan kechirildi.

⏺Avvalgi o‘rganishlarda berilgan topshiriqlar ijrosi yuzasidan mas’ullarning hisobotlari tinglandi. Qurilish ishlarini jadallashtirish, sifatga alohida e’tibor qaratish hamda mazkur o‘quv binolarini ikki hafta muddatda foydalanishga topshirish vazifasi belgilandi.

⏺Shu bilan birga, Termiz tumanidagi "Yangiobod" mahallasida qurilayotgan "Yangi O‘zbekiston" massivi va ushbu hududdagi "Yangi O‘zbekiston" bog‘ida amalga oshirilayotgan qurilish ishlari ham ko‘rib chiqildi. Loyiha pudratchilari va soha mutasaddilariga aniq vazifalar yuklatildi.

⏺Ushbu yirik loyihalarning amaliyotga tatbiq etilishi Termiz shahri va Termiz tumanidagi ijtimoiy-iqtisodiy rivojlanishni yangi bosqichga olib chiqishga xizmat qiladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram