“Xotira muqaddas, xotira abadiy!”

Bugun Termiz shahar 18-umumta’lim maktabida 9-may – “Xotira va qadrlash kuni” munosabati bilan ezgu maqsad yo‘lida ta’sirli va yuksak ruhda tadbir tashkil etildi.

Tadbir “Xotira muqaddas, xotira abadiy!” shiori ostida bo‘lib o‘tib, xalqimizning mard o‘g‘lonlari va urush faxriylariga bo‘lgan chuqur hurmat, sadoqat va minnatdorchilik tuyg‘ularini yana bir bor yodga soldi.

Tantanali marosimda harbiy orkestrning ishtiroki bayramga alohida ruh, tantana va vatanparvarlik kayfiyati baxsh etdi. O‘quvchilar qalbida milliy g‘urur va fidoyilik tuyg‘ulari mustahkamlandi.

Tadbir davomida buyuk yozuvchi Chingiz Aytmatovning “Momo yer” asaridan sahna ko‘rinishlari mahorat bilan namoyish etilib, tomoshabinlarga katta taassurot qoldirdi. Shuningdek, kuy-qo‘shiqlar, vatanparvarlik ruhidagi she’rlar, badiiy chiqishlar orqali tariximizga, faxriylarimizga bo‘lgan ehtirom yana bir bor ifodalandi.

Bu kabi tadbirlar yosh avlod qalbida tarixiy xotirani asrash, tinchlikning qadriga yetish va vatanparvarlik tuyg‘ularini kuchaytirishda beqiyos ahamiyat kasb etadi.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram