Viloyatda tadbirkorlik va ishbilarmonlik muhitini yanada yaxshilash, shuningdek, investitsion salohiyatni oshirish maqsadida belgilangan vazifalar ijrosi doirasida tadbirkorlar bilan ochiq muloqotlar tashkil etilmoqda.

Bugun Surxondaryo viloyati hokimi Ulug‘bek Qosimov Termiz shahridagi "Matbuot uyi"da turizm yo‘nalishida faoliyat yuritayotgan tadbirkorlar bilan uchrashuv o‘tkazdi.

Muloqot davomida tadbirkorlarning sohadagi muammo va takliflari tinglandi. Viloyat rahbari tomonidan tegishli mutasaddilarga infratuzilmani rivojlantirish, kichik biznes uchun qulay sharoit yaratish, davlat dasturlarini samarali tashkil etish hamda sohadagi tashabbuslarni qo‘llab-quvvatlash yuzasidan aniq topshiriqlar berildi.

Uchrashuvdan so‘ng, viloyat hokimiga Sariosiyo tumanidagi "Sangardak" va "Nilu" qishloqlariga olib boruvchi yo‘llarni ta’mirlash va turizm qishloqlari tashkil etishga oid taqdimotlar namoyish etildi.

Surxondaryo.uz | Telegram | Facebook | Instagram | YouTube | X

Bugun kunning ikkinchi yarmida Surxondaryo viloyati hokimi Ulug‘bek Qosimov o‘tgan haftada aholi murojaatlarini o‘rganish davomida mutasaddilarga berilgan topshiriqlar ijrosini ko‘zdan kechirish maqsadida Termiz shahri Farovon massiviga tashrif buyurdi.

Hududda belgilangan vazifalarga asosan yo‘l va yo‘laklarni ta’mirlash, kommunal xizmatlar hamda lift bilan bog‘liq muammolarni hal etish bo‘yicha ishlar olib borilmoqda. Mutasaddilar amalga oshirilgan va kelgusida bajarilishi rejalashtirilgan ishlar yuzasidan axborot berdi.

Shundan so‘ng, "Tinchlik" yoshlar sanoat va tadbirkorlik zonasida loyihalarni ishga tushirish, yosh tashabbuskorlarni qo‘llab-quvvatlash, ishlab chiqarish hajmi va ish o‘rinlari sonini oshirish borasidagi taqdimotlar ko‘rib chiqildi.

Mutasaddilarga yoshlar uchun yaratilgan imkoniyat va sharoitlardan unumli foydalangan holda tadbirkorlikni rivojlantirish orqali ish o‘rinlari sonini oshirish vazifalari belgilab berildi.

Surxondaryo.uz | Telegram | Facebook | Instagram | YouTube | X