Termiz shahrida xotin-qizlar bandligini ta’minlash yo‘lida amaliy qadamlar bisyor

Termiz shahrida xotin-qizlarning bandligini ta’minlash, ularni tadbirkorlik faoliyatiga keng jalb qilish borasida amalga oshirilayotgan ishlar yuzasidan PRESS-TUR tashkil etildi.

Tadbirda Termiz shahar hokimining o‘rinbosari G.Rahmonova, Axborot xizmati rahbari — matbuot kotibi A.Qosimova, ommaviy axborot vositalari vakillari, jurnalistlar va keng jamoatchilik faollari ishtirok etdi.

PRESS-TUR davomida “Nurli kelajak”, “Ma’rifat” va “Eski shahar” mahallalarida istiqomat qilayotgan, davlat tomonidan ajratilgan kredit mablag‘lari asosida o‘z tadbirkorligini yo‘lga qo‘ygan, nafaqat o‘z oila farovonligini ta’minlab, balki boshqa xotin-qizlarni ham ish bilan ta’minlayotgan faol, tashabbuskor ayollar faoliyati bilan yaqindan tanishildi.

Mahalla xotin-qizlarining tikuvchilik, pazandachilik, xizmat ko‘rsatish, ishlab chiqarish kabi yo‘nalishlarda muvaffaqiyatli faoliyat yuritayotgan ish joylarida yaratilgan sharoitlar, mehnat qilayotgan ayollar hayoti va natijalar o‘rganildi.

Bu kabi tadbirlar nafaqat ilg‘or tajribalarni ommalashtirish, balki boshqa xotin-qizlarga ham ruhiy va iqtisodiy imkoniyatlardan foydalanishlari uchun turtki berishiga xizmat qiladi.

Xotin-qizlarning faolligini rag‘batlantirish — jamiyat taraqqiyotining asosi!

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram