O‘zbekiston-Turkiya hamkorlik aloqalarini kengaytirish doirasida "Turk-Lab-Med" MChJ hamda Termiz davlat universiteti tomonidan 1,5 mln dollarlik xorijiy investitsiya hisobiga qator laboratoriya xizmatlarini ko‘rsatuvchi markazlar tashkil etilgan. Mazkur hamkorlik aloqalari natijasida ishga tushirilgan laboratoriyalarda 40 dan ortiq Termiz davlat universiteti bitiruvchilari ish bilan ta’minlangan.

Bugun Termiz shahrida "Turk-Lab-Med" MChJ hamda Termiz davlat universiteti va Toshkent tibbiyot akademiyasi Termiz filiali bilan hamkorlikda navbatdagi o'quv laboratoriya markazi faoliyatini boshladi. Markazning tantanali ochilish marosimida Surxondaryo viloyati hokimi Ulug‘bek Qosimov, "Turk-Lab-Med" MChJ va sog‘liqni saqlash sohasi mutasaddilari hamda nuroniylar va faollar ishtirok etdi.

Ushbu laboratoriya markazining ishga tushirilishi natijasida mikroorganizmlar biologiyasini o‘rganish, hujayraviy tuzilishi, kulturalar hosil qilish, mikroblarni turlarga ajratish, immunoferment analizi, mikroorganizmlarni aniqlash kabi xizmatlar ko‘rsatiladi hamda bevosita oliygoh talabalari uchun amaliy ishlar yo‘lga qo‘yiladi.

Tadbir ishtirokchilari laboratoriyada yaratilgan sharoitlar, o‘rnatilgan zamonaviy asbob-uskuna va jihozlar bilan hamda ko‘rsatiladigan xizmatlar turlari bilan tanishishdi.

Surxondaryo.uz | Telegram | Facebook | Instagram | YouTube | X

Bugun Surxondaryo viloyati hokimi Ulug‘bek Qosimovning navbatdagi tadbirkorlar qabuli shahar va tumanlar studiyalari orqali onlayn tarzda o‘tkazildi.
Qabul Savdo-sanoat palatasi viloyat boshqarmasi hamkorligida tashkil etildi.

Dastlab, avvalgi qabullarda kelib tushgan murojaatlarning ijrosi tahlil qilindi. Murojaatlarga mas’uliyatsiz yondashgan ayrim mutasaddilarga nisbatan qat’iy choralar ko‘rildi — ulardan ba’zilari lavozimidan ozod etildi, ayrimlari esa ogohlantirildi.

Shundan so‘ng, hududiy studiyalar orqali 52 nafar tadbirkorning kredit ajratilishi, kredit muddatini uzaytirish, soliq, subsidiya, undiruv, kadastr, yer va huquqiy masalalar bo‘yicha 57 ta murojaati tinglandi.

Qabul davomida ko‘tarilgan muammolarni bartaraf etish, tadbirkorlarning faoliyatini qo‘llab-quvvatlash va yangi tashabbuslarini amalga oshirishga ko‘maklashish maqsadida mas’ullarga aniq muddatlar bilan topshiriqlar berildi.

Viloyat hokimi tadbirkorlar murojaatlarini uzluksiz qabul qilish va ularni tezkor hal etish maqsadida maxsus Shtab faoliyati yo‘lga qo‘yilganini ma’lum qildi.

Bundan tashqari, "Kambag‘allikdan farovonlik sari" dasturining joylardagi ijrosi tanqidiy ko‘rib chiqildi. Mutasaddilarning biriktirilgan oilalar bilan ishlash faoliyati tahlil qilinib, ularni kambag‘allikdan chiqarish va turmush darajasini oshirish bo‘yicha vazifalar belgilandi.

Tadbirkorlar o‘zlarini qiynab kelayotgan masalalar yuzasidan viloyat Shtabiga quyidagi aloqa kanallari orqali murojaat qilishlari mumkin:
☎️ Telefon raqami: (376) 228-69-74
📞 Qisqa raqam: 1055
✉️ Telegram guruhi: @surxondaryo_qabul

Surxondaryo.uz | Telegram | Facebook | Instagram | YouTube | X

Aziz hamshaharlar hamda viloyatimiz mehmonlari!

Sizlarni bahorning go‘zal kunlarida, yurtimizga fayz olib kirgan Navro‘z ayyomi munosabati bilan tashkil etilayotgan "Navroʻz" ansamblining konsert dasturiga taklif etamiz!

Quyidagi joylarda bayramona kayfiyat, jonli ijrodagi milliy kuy-qo‘shiqlar va unutilmas lahzalar sizni kutmoqda:

📍 14-aprel, soat 18:30da Termiz shahri, Etno shaharcha oldidagi maydonda.

Keling, qadimiy milliy an’analar, bahor tarovati va musiqiy ohanglar uyg‘unligidan zavqlaning!

Barchangizni ushbu bayramona konsert dasturida ishtirok etishga chorlaymiz!

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram