Mamlakatimizning barcha hududlarida bo‘lgani kabi, Surxondaryo viloyatida ham bahorgi obodonlashtirish ishlari qizg‘in davom etmoqda. Bugun viloyat hokimi Ulug‘bek Qosimov Termiz shahri hamda Termiz, Jarqo‘rg‘on, Qumqo‘rg‘on va Denov tumanlariga tashrif buyurib, ushbu hududlarda amalga oshirilayotgan ishlar va loyihalarning qurilishi bilan tanishdi.

Tashrif davomida infratuzilmani yaxshilash, sanoat zonalarini tashkil etish, tadbirkorlik loyihalarini amalga oshirish va qishloq xo‘jaligini rivojlantirish bo‘yicha olib borilayotgan ishlar ko‘zdan kechirildi. Xususan, "IT park", "Yoshlar va turizm" ko‘chasi, "Surxondaryo" daryosi bo‘yida turizm va xizmat ko‘rsatish sohalariga doir tashabbuslarning taqdimoti o‘tkazildi. Shu bilan birga, erkin va kichik sanoat zonalaridagi tadbirkorlik faoliyati tahlil qilindi.

Viloyat rahbari har bir yo‘nalish bo‘yicha belgilangan vazifalarning ijrosini ta’minlash maqsadida hudud va sohalar mas’ullariga tegishli topshiriqlar berdi.

Surxondaryo.uz | Telegram | Facebook | Instagram | YouTube | X