🗣Diqqat eʼlon: Taʼmirlash ishlari olib borilishi munosabati bilan Termiz shaharning baʼzi mahallalarida gaz taʼminoti vaqtincha o‘chiriladi

⏺Termiz shahar, “Jayxun” MFYdan yer osti o‘rta bosimli D-100 mmli gaz quvurida gaz sizib chiqish holatini bartaraf etish hamda gaz quvurlarini estetik jihatdan tartibga keltirish maqsadida “Jayxun”, «A.Avloniy» va «Farhod» MFYlarida 2025-yil 7-mart kuni soat 13:00 dan 15:00 ga kadar 2427 ta aholi xonadonlari va 45 ta ulgurji isteʼmolchilari tabiiy gaz vaqtincha to‘xtatilishini maʼlum qilamiz.

❗️Taʼmirlash  ishlari yakunlangandan so‘ng, tabiiy gaz taʼminoti tiklanadi.

🙏Gaz taʼminoti filiali yuzaga kelayotgan noqulayliklar uchun barcha tabiiy gaz isteʼmolchilaridan uzr so‘raydi hamda gaz jihozlaridan foydalanish qoidalariga amal qilish lozimligini eslatib o‘tadi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

#mutolaa_vaqti

Kitob haqida:

Mahoratli yozuvchi Pirimqul Qodirovning "Yulduzli tunlar" asari oʻzbek adabiyotining eng sara tarixiy romanlari sirasiga kiradi. Unda Movarounnahrdek ulkan saltanatning parchalanib ketishi, Temuriylar sulolasining inqirozi, hokimiyatga erishish ilinjida taxt talashib, bir-birlariga qilich koʻtargan ogʻa-ini, togʻa-jiyanlarning fojiaviy qismati aks ettirilgan. Roman voqealari orqali oʻquvchi tarixda Temuriylar oʻrtasidagi nizolar, fitna, fisq-u fasod tufayli yuzaga kelgan qonli urushlar, ayovsiz xunrezliklar oqibatida behad qonxoʻr beklar zulmidan sillasi butkul qurigan xalqning gʻoyat nochor ahvoli va uyushqoqlikdan bexabar Temuriylarni Shayboniyxon qanchalar oson mahv etgani bilan tanishadi. Asarning bosh qahramoni mirzo Bobur odamlardagi bemehrlik, bir-birini ko‘rolmaslik, xudbinlik, xiyonat singari jirkanch illatlar bilan g‘oyat erta, o‘n ikki yoshida taxtga o‘tirganida ro‘baro‘ bo‘ldi. Taqdirning ayanchli zarbalaridan zada bo‘lgan shohning kuygan yuragi – shoir qalbi qalandarlikni ixtiyor etgani ajab emas. Asar mutolaasi davomida butun umr Vatan ishqida yonib, sog‘inch bilan o‘rtanib, “Jonimdin o‘zga yori vafodor topmadim...” deya iztirob chekkan bobokalonimiz dardi kitobxon qalbini larzaga soladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram