🗣Imom Termiziy hayoti va ilmiy merosi haqida spektakl sahnalashtirildi

⏺O‘zbekiston Respublikasi Prezidentining "Imom Termiziy tavalludining 1200 yilligini keng nishonlash to‘g‘risida" 2024-yil 15-avgustdagi qarori ijrosini ta’minlash maqsadida Surxondaryo viloyati musiqali drama teatrida dramaturg Shavkat Pardayev tomonidan yozilgan "Imom Termiziy" nomli spektakl sahnalashtirildi.

⏺Mazkur asar Imom Termiziyning ibratli hayoti va boy ilmiy merosini aks ettirib, uning islom ilm-fani rivojiga qo‘shgan ulkan hissasini yosh avlod va keng jamoatchilikka yetkazishga qaratilgan. Spektakl Jamoatchilik kengashi tomonidan ma’qullanib, tomoshabinlarga namoyish etishga tavsiya etildi.

⏺Ushbu sahna asarining taqdimoti Imom Termiziy shaxsiyati va merosining tarixiy ahamiyatini yanada ochib berish, ma’naviy qadriyatlarni targ‘ib etish va milliy madaniyatimizni boyitishda muhim ahamiyat kasb etadi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Yigitning Vatan oldidagi eng oliy burchi – uning himoyasi uchun sadoqat bilan xizmat qilishdir. Bugun Surxondaryo viloyatidan bo‘lajak askarlar harbiy xizmatga kuzatildi.

Tadbirda Janubiy operativ qo‘mondonligi, Mudofaa ishlar boshqarmasi, Mudofaa vazirligi jamoatchilik kengashining viloyat bo‘limi, Termiz harbiy prokuraturasi, O‘zbekiston Yoshlar ishlari agentligi viloyat boshqarmasi vakillari, keng jamoatchilik, askarlar va ularning ota-onalari ishtirok etdi.

Vatan himoyasiga yo‘l olgan yigitlarga harbiy orkestr sadolari ostida “Armiya – hayot maktabi” kitobi hamda sanitariya-gigiena vositalari topshirildi. Bayramona dasturxon atrofida davom etgan tadbir san’atkorlarning kuy-qo‘shiqlari bilan yanada ko‘tarinki ruhda o‘tdi.

Shundan so‘ng, vatanparvar yigitlar Termiz temir yo‘l vokzalidan tantanali ravishda kuzatildi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Surxondaryo viloyatining havo darvozasi — Termiz xalqaro aeroportida rekonstruksiya ishlari jadal sur’atlarda davom etmoqda. Shu bilan birga, aeroportga olib boruvchi yo‘l va uning atrofi ham keng ko‘lamli obodonlashtirilmoqda.

Bugun Surxondaryo viloyati hokimi Termiz xalqaro aeroportida amalga oshirilayotgan rekonstruksiya ishlari hamda viloyat markaziga olib keluvchi asosiy yo‘llardan biri — M-39 xalqaro avtomagistrali bo‘ylab obodonlashtirish, ko‘kalamzorlashtirish va "yashil" belbog‘lar yaratish ishlari bilan tanishdi.

Hududlar rahbarlari va mutasaddilarga ishlar sur’atini oshirish, obodonlashtirish tadbirlarini yanada kengaytirish va barcha mahallalarni qamrab olish bo‘yicha topshiriqlar berildi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram