Termizdagi Xalqaro transport-logistika xabiga BMTning yangi maqomi berildi

Bugun Termizda joylashgan Xalqaro transport-logistika xabiga BMT Qochoqlar ishlari bo‘yicha Oliy komissari boshqarmasi Global ta’minot tarmog‘i maqomini berishga bag‘ishlangan tantanali marosim bo‘lib o‘tdi. Unda O‘zbekiston Respublikasi Tashqi ishlar vazirligi, BMT vakolatxonasi, Qochoqlar ishlari bo‘yicha Oliy komissari boshqarmasining hududiy ofisi va uning Afg‘oniston bo‘limi mutasaddilari, Surxondaryo viloyati hokimligi, Chegara qo‘shinlari hamda OAV vakillari ishtirok etdi.

Marosimda so‘z olganlar Prezidentimiz tashabbusi bilan keyingi yillarda BMT va turli xalqaro tashkilotlar, xorijiy davlatlarning Afg‘oniston hamda boshqa mamlakatlarga gumanitar yordamini markazlashgan, tizimli, maqsadli yetkazilishini ta’minlash uchun qulay sharoit yaratishga alohida e’tibor qaratilayotganligi ta’kidlandi.

Xabdan gumanitar yordam ko‘rsatish uchun foydalanayotgan manfaatdor xalqaro tashkilotlar va xorijiy davlat vakillariga barcha sharoit yaratilgan. Uning BMT Qochoqlar ishlari bo‘yicha Oliy komissari boshqarmasi Global ta’minot tarmog‘iga kiritilishi bu boradagi ishlarni yanada samarali yo‘lga qo‘yishda muhim ahamiyat kasb etadi.

Batafsil: https://uza.uz/posts/686991

Surxondaryo.uz | Telegram | Facebook | Instagram | YouTube | X