Moliyaviy xizmatlar hajmini 30 foizga oshirish bo‘yicha aniq rejalar belgilangan.

Davlat banklari onlayn xizmatlar, aholi uchun jozibador yangi mahsulotlar yaratishda xususiy banklardan orqada qolib ketayotgani qayd etildi.

Masofaviy xizmat ko‘rsatishni kamida 30 foizga o‘stirishi muhimligi ta’kidlandi. Misol uchun, kadastr, soliq, adliya idoralarining bazasi banklar axborot tizimiga integratsiya qilinsa, garovga qo‘yilgan mulkni notariusga borib, taqiq qo‘yish amaliyoti bekor bo‘ladi.

Mutasaddilarga onlayn kredit olish tartibini soddalashtirish bo‘yicha qaror ishlab chiqib, kiritish topshirildi.
〰️〰️〰️

So‘nggi yillarda tungi iqtisodiyotni rivojlantirishga katta e’tibor qaratilmoqda.

Turistlar bildirgan fikrlarni inobatga olib, turizm va servis joylarini kechqurun ham ishlaydigan qilish kerakligi ta’kidlandi.

Surxondaryo.uz | Telegram | Facebook | Instagram | YouTube | X

Bu yildan tumanlarda servisni rivojlantirish bo‘yicha yangicha yondashuv yo‘lga qo‘yiladi

Hududlarda 1 ming 156 ta "drayver" loyiha tanlab olinib, tasdiqlangani hamda bu loyihalar infratuzilmasiga 1 trillion so‘m berilishi qayd etildi.

Buning hisobiga tadbirkorlar bilan birgalikda joriy yilda 72 ta sohil bo‘yi dam olish maskanlarini ishga tushirish, 62 ta istirohat bog‘larini zamonaviy qiyofaga keltirish, 154 ta tun-u-kun ishlaydigan turizm va gastronomik ko‘chalarni tashkil qilish, 364 ta yo‘l bo‘yi va boshqa servis obyektlarini barpo qilish rejalashtirilgan.

Magistral va mahalla ichki yo‘llariga katta e’tibor berilmoqda. Lekin xizmatlar rivojiga katta turtki beradigan tumanlararo yo‘llar masalasi ochiq qolmoqda.

Shu munosabat bilan hokimliklar oldiga 50 ta tumanlararo yo‘l infratuzilmasini yaxshilash vazifasi qo‘yildi.

Surxondaryo.uz | Telegram | Facebook | Instagram | YouTube | X

Savdo va xizmat ko‘rsatish sohasida ijtimoiy soliq imtiyozi uzaytirildi

Savdo va xizmat ko‘rsatish sohasidagi korxonalar uchun ijtimoiy soliq stavkasi 1 foiz etib qoldirildi. Oxirgi ikki yilda mazkur imtiyoz samarasida korxonalar soni 1,5 barobar oshdi, ish o‘rinlari 220 mingga ko‘paydi va ish haqi 3,2 karraga o‘sdi.

Imtiyoz muddati yana uch yilga uzaytirilib, u servis korxonalarida 30 yoshgacha bo‘lgan va oylik maoshi kamida 3 million so‘m bo‘lgan xodimlarga nisbatan qo‘llanadi. Shu bilan birga, "konvertda" ish haqi to‘lash holatlariga qarshi nazorat kuchaytiriladi.

Shuningdek, qurilish, savdo va umumiy ovqatlanish sohalarida mehnat munosabatlarini rasmiylashtirishni yengillashtirish maqsadida qisqa muddatli shartnomalar joriy etilishi belgilandi.

Surxondaryo.uz | Telegram | Facebook | Instagram | YouTube | X

Mutasaddilarga 1-martga qadar 11 ta, 1-oktyabrgacha yana 18 ta  davlat xizmatini xususiy sektorga berish choralarini ko‘rish topshirildi.

Har bir vazirlikka o‘z tizimidagi qaysi xizmatni xususiy sektorga, jumladan autsorsingga berish va yangi xizmatlarni joriy qilish mumkinligi bo‘yicha taklif tayyorlash topshirildi. Bu borada Raqobat qo‘mitasining mas’uliyati belgilandi.

Tadbirkorlarda yer uchastkalari va davlat mulkini ijaraga olish yoki xususiylashtirish shartlari bo‘yicha savollar ko‘pligi bois, bu borada ochiq, shaffof, manfaatli shartlarni ishlab chiqish va e’lon qilish vazifasi qo‘yildi.

Surxondaryo.uz | Telegram | Facebook | Instagram | YouTube | X

Kreativ sohalar – IT, turizm, loyiha, dizayn, injiniring kabi xizmatlarni rivojlantirish bo‘yicha aniq ish va natija kerakligi qayd etildi.

Yangi farmonga ko‘ra, 1-martdan 6 oy davomida sotilmagan 10 ming kvadratgacha bo‘lgan davlat obyektlari tadbirkorlarga 10-yilga to‘g‘ridan to‘g‘ri ijaraga beriladi.

To‘rt yil davomida ijara vaqtida to‘lansa, bu joy tadbirkorga xususiylashtirib beriladi.

Yoshlarni IT va chet tiliga o‘qitib, xalqaro tan olingan sertifikat beradigan tadbirkorlar birinchi yil ijara to‘lamasligi belgilandi.

Buning hisobiga bu yil har bir viloyatda 5 tadan davlat obyektini tadbirkorlarga ijaraga berib, kamida 100 ming yoshlarni IT va chet tiliga o‘qitish zarurligi ta’kidlandi.

Surxondaryo.uz | Telegram | Facebook | Instagram | YouTube | X

Prezident: Qaysi rahbar raqamlashtirishni kechiktirsa – ochiqlik siyosatimizga qarshi chiqqan boʻladi

Selektorda hudud va tarmoqlarni raqamlashtirish yuzasidan topshiriqlar berildi:

- Turizm qoʻmitasi turistlar mehmonxona, dam olish maskanlarini “bron” qilish, avia va temir yoʻl, muzey, teatrga chipta sotib olish kabi xizmatlarni masofadan olish imkonini beradigan platformani ishga tushirishi lozim;

- Tashqi ishlar va Adliya vazirliklari Oʻzbekistonga kirish uchun elektron vizani 3 kunda rasmiylashtirish imkonini yaratishi kerak;

- Vazirlar Mahkamasiga har bir vazir va hokimga raqamlashtirish boʻyicha alohida KPI, aniq vazifa va muddatlarni belgilab berish topshirildi.

Shuningdek, Kadastr agentligiga koʻchmas mulk manzillarining yagona reyestrini tez fursatda oxiriga yetkazish, Transport vazirligiga barcha turdagi yoʻlovchi transportiga chipta olish imkonini beradigan yagona platformani ishga tushirish kechikayotgani maʼlum qilindi.

Surxondaryo.uz | Telegram | Facebook | Instagram | YouTube | X

Xizmatlar ko‘lamini kengaytirish uchun taksi agregatorlaridan biri 2 mingta avtomobil kreditiga kafil bo‘lib, 4 ming odamni ishli qilish taklifi bilan chiqqan.

Buning hisobiga yangi zamonaviy taksilar ko‘payadi. Bunday loyihalarga banklar 1 trillion so‘m kredit ajratishga tayyor.

Ko‘plab avtosalonlar avtomobil xaridi uchun pul to‘liq to‘lansa chegirma bermoqda. Lekin amaldagi qoidalarga ko‘ra, kreditga beriladigan avtomashina uchun bu chegirmani banklar qabul qilmaydi. Vaholanki, banklarga chegirma qabul qilishga ruxsat berilsa, kredit stavkasi 4 foizga arzonlashadi.

Bu cheklovni mahalliy avtomashinalar uchun bekor qilish muhimligi ta’kidlandi.

Umuman, bu yil transport xizmatlari hajmini 15 foizga oshirib, 185 trillion so‘mga, eksportini 2,2 milliard dollarga olib chiqish zarurligi ko‘rsatib o‘tildi.

Surxondaryo.uz | Telegram | Facebook | Instagram | YouTube | X

O‘tgan yili turizm xizmatlari eksporti 3,5 milliard dollar bo‘ldi. Lekin, bu imkoniyatlarimizga mos emasligi qayd etildi.

Masalan, Malayziya va Indoneziyada 7 millionga yaqin Naqshbandiya tariqati izdoshlari bor. Ular Umraga borishdan oldin ziyoratgohlarimizga sayohat qilishni istaydi. Bu sayyohlarni Kuala-Lumpur yoki Jakartadan Samarqand va Buxoroga kamida 2 kunga olib kelib, keyin o‘zimizni samolyotda Umraga yuborish uchun barcha sharoitlar mavjud.

Mutasaddilarga Malayziya va Indoneziya ziyoratchilari uchun "Umra plyus" turpaketini yo‘lga qo‘yish topshirildi.

Mutasaddilarga kamida 1 million turistni olib keladigan konsert, biznes forumi va ko‘rgazmalar o‘tkazish dasturini ishlab chiqish topshirildi.

Shuningdek, to‘liq o‘rganilmagan tarixiy obyektlar juda ko‘pligini inobatga olib olimlar bilan birgalikda jozibador tarixiy obyektlarni aniqlash va restavratsiya qilish bo‘yicha uch yillik dastur ishlab chiqish topshirildi.

Surxondaryo.uz | Telegram | Facebook | Instagram | YouTube | X