🗣Prezident Shavkat Mirziyoyev O‘zbekiston sog‘liqni saqlash sohasi xodimlariga bayram tabrigini yo‘lladi

Barchamiz yaxshi tushunamizki, el-yurt salomatligi – jamiyatning bebaho boyligidir. Tinchlik va sog‘liq bo‘lgan joyda albatta o‘sish va o‘zgarish, baxtli va farovon hayot bo‘ladi.

Shu ma’noda, Yangi O‘zbekistonimiz erishayotgan katta yutuqlarda, inson kapitalini rivojlantirishda jonkuyar tibbiyot xodimlarining munosib hissasini e’tirof etib, ularga har qancha rahmatlar aytsak, arziydi.

Barcha ijtimoiy xizmatlar qatori tibbiyotni ham xalqimizga yanada yaqin qilish uchun malakali davolash va profilaktika tizimini xonadonlargacha olib kirish choralari ko‘rilmoqda.

Shu maqsadda birlamchi tibbiy-sanitariya muassasalari faoliyati yangilanmoqda. Ushbu bo‘g‘inda birinchi navbatda kasalliklarning oldini oladigan, ularni keltirib chiqaradigan sabablarga qarshi kurashadigan mexanizmlarni joriy etish boshlangani ham shundan dalolatdir.

Tabrikning to'liq matni: https://president.uz/oz/lists/view/7678

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣Farzandingizga doimo aytib turishingiz kerak boʻlgan 9 ta gaplar

1. Sen kuchlisan, yengilma!
2. Men doim sen bilanman.
3. Hammasini uddalaysan!
4. Men senga ishonaman.
5. Men sen bilan faxrlanaman.
6. Menga yordam berayotganing uchun rahmat.
7. Men seni yaxshi koʻraman.
8. Kuning qanday oʻtdi?
9. Bunday vaziyatda sen qanday yoʻl tutgan boʻlar eding?

⏺Mehr va eʼtiboringizni ayamang. Koʻproq bagʻringizga bosib quchoqlab turing, erkalang, u bolaligini his qilsin.

⏺Bolani urmang! Bolaga nima yaxshi-yu nima yomonligini tushuntirishdan erinmang.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube  | Facebook | Web-site | Instagram | Twitter

🗣Qadrli tibbiyot xodimlari va soha faxriylari!

She'r

Yuragingiz qaltirar, qoʻlingizda titroq yoʻq
Siz kabi jonga malham, hasta tanga oʻrtoq yoʻq
Koʼngli siz kabi ochiq, qalbi siz kabi oq yoʻq
Qalblardan sizga haykal qoʻyamiz shifokorlar!

Siz mehrning bulogʻi, himmatning tub manbasi
Allohning moʻjizaviy idroki bor bandasi
Jonga orosiz doim, har dardning kushandasi
Qalblardan sizga haykal qoʻyamiz shifokorlar!

Ketar chogʻi hammani sogʻ boʻling deb kuzatgan,
Dori qolib har jonni shirin soʻzda tuzatgan
Alloh sababchi qilsa kaftida jon uzatgan
Qalblardan sizga haykal qoʻyamiz shifokorlar!

Yuzingizda shuncha nur, istarasi iligʻim
Qalblari muhabbatga va himmatga toʻligʻim
Qaddi osmondek baland, qadri togʻday ulugʻim
Qalblardan sizga haykal qoʻyamiz shifokorlar!

Farishtani eslatar qorday oq xalatingiz
Viqorga toʻlib turar nigohu savlatingiz
Tangrining shifosiga sababkor sanʼatingiz
Qalblardan sizga haykal qoʻyamiz shifokorlar!

Chin insoniy hislatlar qalbida mudom borlar
"Oh" chekkan har jon uchun oqkoʻngil fidokorlar
Sogʻligimiz posboni - ey jonimiz malhami
Qalblardan sizga haykal qoʻyamiz shifokorlar!

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram