“Шаҳар ва қишлоқларимиз ободлиги, зиёратгоҳларимиз озодалигига барчамиз бирдек ҳисса қўшайлик!” – Улуғбек Қосимов

Бугун Термиз шаҳри ва Термиз туманида олиб борилаётган ободонлаштириш ва кўкаламзорлаштириш, йўлбўйи ҳудудлари инфратузилмасини ривожлантириш тадбирларининг бориши кўздан кечирилди.

Хусусан, Термиз шаҳридаги марказий кўчалар ҳамда Термиз туманидаги Ал Ҳаким ат-Термизий мажмуасида амалга оширилаётган ишларни кўздан кечирган вилоят раҳбари мутасаддиларга қатор вазифаларни белгилаб берди.

– Кузнинг хазонрезги ойларида ҳудудларда ободонлаштириш ишларини олиб боришимиз ҳар қачонгидан-да  муҳим. Марказдаги маҳаллалармиздан тортиб, энг олис қишлоқларимизгача бўлган ҳудудларни ободонлаштириш эса ўз қўлимизда. Ушбу тадбирларда фуқароларимиздан ўзлари яшаётган ҳудуднинг тозалиги ва ободлигини таъминлашда муносиб ҳисса қўшишларини сўраб қолардим, – дея таъкидлади вилоят ҳокими Улуғбек Қосимов.

Ҳудудларда амалга оширилаётган ишлар билан танишиш давом этмоқда.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site | Twitter

Сурхондарёда тиббиёт ходимлари шарафланди

Термиз шаҳридаги “Муҳташам” тантаналар саройида “Тиббиёт ходимлари куни” муносабати билан байрам тадбири ташкил этилди. Тадбирда Сурхондарё вилояти ҳокими Улуғбек Қосимов иштирок этиб, Президентимизнинг мамлакатимиз соғлиқни сақлаш соҳаси ходимларига йўллаган байрам табригини ўқиб эшиттирди.

Вилоят раҳбари давлат мукофоти соҳибларига қимматбаҳо совғаларни топширди. Шунингдек, тизимда алоҳида ўрнак кўрсатган бир гуруҳ тиббиёт ходимлари вилоят ҳокимлигининг фахрий ёрлиқ ва совғалари билан тақдирланди.

Батафсил: https://surxondaryo.uz/1688

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site | Twitter

Хабар берганимиздек, Сурхондарё вилояти ҳокими Улуғбек Қосимов Термиз шаҳридаги ўрганиш ишларини давом эттириб, кўп хонадонли турар жойларга хизмат кўрсатиб келаётган бошқарув сервис компаниялари фаолияти билан танишди.

Турар жойларни куз-қиш мавсумида иситиш, коммунал хизматлар, иссиқ ва совуқ сув, табиий газ ҳамда электр энергяси таъминоти барқарорлигини таъминлаш мақсадида амалга оширилаётган ишлар кўздан кечирилди.

Вилоят раҳбари аҳоли қишни иссиқ уйларда ўтказишлари учун зарур шароитлар яратиш, коммунал хизматларнинг сифатли кўрсатилишини таъминлаш борасида бошқарув сервис компанияларига қатор вазифаларни қўйди.

Шунингдек, вилоят раҳбари шаҳардаги марказий кўчалар, турар жойлар атрофларини ободонлаштириш, болалар ва спорт майдончаларини қуриш, йўлларни таъмирлаш ҳамда ижтимоий соҳа объектлари билан ҳам танишиб, мутасаддиларга вазифаларни белгилаб берди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site | Twitter