🗣“Zulfiya” nomidagi davlat mukofotining Termiz shahar bosqichi tanlovi boʻlib oʻtdi.

⏺Bugun 1-sonli musiqa va san'at maktabida “Zulfiya” nomidagi davlat mukofotining shahar bosqichi tanlovi boʻlib oʻtdi.

⏺Tanlovni Termiz shahar hokimining oʻrinbosari Mohira Tagayeva ochib berdi va ishtirokchilarga omad tiladi.

⏺Oʻzining iqtidori, aʼlo xulqi va tashabbuskorligi bilan tanilgan bir qancha nomzodlar yoʻnalishlar boʻyicha bellashishdi.

⏺Maʼlumot oʻrnida shuni aytish kerakki, Prezidentimizning 2018-yil 2-fevraldagi “Xotin-qizlarni qoʻllab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari toʻgʻrisida”gi Farmoni bilan “Zulfiya” nomidagi Davlat mukofotini yanada rivojlantirishga, uning qamrovni kengaytirishga doir bir qator chora-tadbirlar belgilab oʻtildi. Belgilangan yosh chegarasi 8 yoshga oshirilib, 14-30 yosh etib belgilandi. Avvalgidek, hududlar kesimida bir nafar nomzod emas, ikki nafardan nomzod Respublika bosqichida taqdirlanadigan boʻldi.

⏺Shuningdek, mukofot laureatlarining oliy taʼlim muassasalariga kirishi boʻyicha qoʻshimcha imtiyozlar kengaytirildi. Endi ular kirish imtihonlarisiz oliy taʼlim muassasalarining nafaqat bakalavriat, balki magistratura bosiqichiga ham davlat granti asosida kirishlari mumkinligi mustahkamlab qoʻyildi.

⏺Koʻrik tanlov yakunida gʻolib boʻlgan xotin-qizlarga shahar hokimligining faxriy yorliqlari hamda viloyat bosqichida ishtirok etish yoʻllanmalari taqdim etildi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh