Ислоҳотлар шиддатига мос янгиланаётган Сурхондарё

Бугун мамлакатимизда амалга оширилаётган янги, янада шиддатли ва жўшқин ислоҳотлар руҳига ҳамоҳанг тарзда Сурхондарёда ҳам катта ижобий ўзгаришлар юз бермоқда.

Воҳадошларимиз узоқ йиллар орзу қилган бу ўзгаришлар, ҳар бир соҳа ва тармоқда “Инсон қадри учун” тамойили асосида кечаётган бу янгиланишлар катта муваффақиятларга замин бўлмоқда.

Аграр тармоқ, саноат, қурилиш, хизмат кўрсатиш, ижтимоий соҳа... Очиғи, вилоятимиздаги ислоҳотлар самараси ҳақида ҳар қайси йўналиш бўйича жуда узоқ гапириш, янгиланишларни исталган йўналишнинг кечаги ва бугунги ҳолатини таққослаш орқали янада равшанроқ кўриш мумкин.

Эришилган натижанинг ўзи энг яхши кўзгу. Аҳамиятлиси шундаки, юз бераётган бу ижобий ўзгаришлар борига шукр, йўғига қаноат қилиб яшаган Сурхон аҳлининг бугунги кунидан рози бўлиб яшашига хизмат қилмоқда. Уларнинг ислоҳотларга ишонч, юрт тараққиётига дахлдорлик туйғусини юксалтирмоқда.

“Ҳар бир кун – бу имконият, ҳар бир кун – бу келажак пойдевори” деган шиор ҳар биримизнинг шундайин ҳаётимиз қоидасига, кундалик фаолиятимиз дастурига айланса, ислоҳотлар самарасини юзага чиқаришга камарбаста бўлиш ҳар бир воҳадошимизнинг шундайин бош мақсади бўлса Сурхондарё мамлакатимизнинг жанубдаги гавҳарига айланишига шубҳа йўқ!

🌐 https://t.me/AOKA_Surxondaryo