Тез тиббий ёрдам бўлимларига 25 та “Volkswagen” тез ёрдам машиналари топширилди

Давлатимиз раҳбарининг кўрсатма ва топшириқларига асосан аҳолига тез тиббий ёрдам кўрсатиш тизимини такомиллаштириш ва сифат жиҳатидан янги босқичга олиб чиқиш мақсадида қатор ишлар амалга оширилмоқда. Хусусан, бугун Соғлиқни сақлаш бошқармаси томонидан ажратилган 25 дона “Volkswagen Caddy 5” русумли тез тиббий ёрдам машиналари шаҳар ва туманлар тез тиббий ёрдам бўлимларига топширилди.

Термиз шаҳрида ташкил этилган тадбирда вилоят ҳокими Улуғбек Қосимов иштирок этиб, махсус жиҳозланган тез тиббий ёрдам машиналари калитларини ҳудудий бўлимлар мутасаддиларига тантанали топширди. Шунингдек, тез тиббий ёрдам бўлимлари учун вилоят ҳокимлиги томонидан компьютер жамланмалари ҳамда кондиционерлар ҳам топширилди.

Маълумот учун, бугунги кунда Республика тез тиббий ёрдам маркази Сурхондарё вилояти филиалида 215 та тез тиббий ёрдам машиналари ва 10 та скутер хизмат кўрсатиб келмоқда.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site | Twitter

Инфографика | Сурхондарё вилоятида аҳолини табиий ва суюлтирилган газ билан таъминлаш борасида олиб борилаётган ишлаш кўрсаткичлари

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site | Twitter

Саида Мирзиёева:

XIX Осиё ўйинларига бағишланган Ханчжоу шаҳридаги «Ранг-баранг Осиё: Осиё либослари кўргазмаси»да иштирок этиш биз учун катта шараф.
⠀
Халқаро тадбирнинг дунёга машҳур Ипак музейида ўтказилаётгани биз учун айниқса қадрли. Чунки, ҳунармандчиликнинг ушбу йўналиши мамлакатларимизни камида уч минг йиллик тарихи билан бирлаштириб туради.
⠀
Ипак билан савдо қилинган даврларда бизни қалин дипломатик муносабатлар, маданият ва технологиялар алмашинуви янада яқинлаштирди. Бу эса Буюк Ипак йўли бўйлаб ўзаро тараққиёт ва иқтисодий фаровонликка хизмат қилган. Анъаналаримиз ва асосий қадриятларимиз ўхшашлиги ҳам балки шундандир.
⠀
Хитойлик дўстларимизга самимий меҳмондўстлиги ва ўзбек маданиятига бўлган қизиқишлари учун миннатдорлик билдирмоқчиман. Ипакчилигимиз тарихи — умумий маданий меросимизнинг ажралмас қисми бўлиб, мазкур кўргазма буни намойиш этиш учун ажойиб имкониятдир.

🌐 https://t.me/AOKA_Surxondaryo

Термиз шаҳридаги 16 та маҳалла истеъмолчиларининг табиий газ таъминотини яхшилаш мақсадида, “Қорақир” АГРСдан кесими D-219 мм бўлган 38,9 км юқори босимли газ тармоғини тортиш ишлари давом этмоқда.

Ҳозирда Сурхон дарёсидан қувурларни тортиб ўтказиш ва ҳимоялаш ишлари олиб борилмоқда. Лойиҳа якунида 10 мингга яқин аҳоли, ижтимоий соҳа объектлари ҳамда иқтисодиёт тармоқларининг табиий газ таъминоти яхшиланишига эришилади.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site | Twitter