Диққат эълон: Ҳиндистонлик шифокорлар Термиз шаҳрида бепул тиббий кўрик ўтказади

Жорий йил 14 сентябрь куни соат 9:00 дан 17:00 гача Сурхондарё вилояти кўп тармоқли тиббиёт марказида Ҳиндистон давлатидан ташриф буюрган гастроэнтеролог-трансплантолог ҳамда вертебролог нейрохирург мутахассислари томонидан тиббий кўрик ўтказилади.

Тиббий кўрикда:
➖ Жигар трансплантациясига муҳтож бўлган турли жигар ҳасталиклари билан оғриган беморлар (барча ёшдаги);
қўшимча олиб келиш талаб этилади: УЗИ, қон биохимик таҳлили тўлиқ, коагулограмма, умумий қон умумий пешоб таҳлили, мавжуд бўлса эластограмма, ЭКГ текшируви ва ҳулосаси.

➖ Умуртқа поғонасида туғма ва орттирилган патологияси бор ҳамда мураккаб юқори технологик амалиётга муҳтож беморлар (барча ёшдаги);
қўшимча олиб келиш талаб этилади: МРТ, МСКТ, ЭКГ текширувлари, сколиозда обзор рентген 2 та проекцияда.

❕ Тиббий кўриклар бепул ўтказилади.

☝️ Эслатма: Беморлар ўзлари билан барча лаборатор ва инструментал текширув ҳулосалари билан келишлари шарт. Тегишли ҳужжатлари бўлмаган беморлар мутахассислар ташрифига қадар яшаш жойларидан тайёрлаши талаб этилади.

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh

Бироздан сўнг Президент Шавкат Мирзиёев ҳузурида йўл хўжалигини бошқариш, йўлларни лойиҳалаш, қуриш ва сақлаш тизимини ислоҳ қилиш юзасидан йиғилиш бошланади.
—
Скоро при Президенте Шавкате Мирзиёеве начнется совещание по вопросам реформирования системы управления дорожным хозяйством, проектирования, строительства и содержания дорог.

Facebook|Instagram|Twitter

Президент ҳузурида йўл хўжалиги соҳасини ислоҳ қилиш бўйича долзарб масалалар юзасидан йиғилиш бўлиб ўтмоқда.

Сўнгги олти йилда йўлларни қуриш ва таъмирлашга ажратилаётган маблағлар 3 карра ошди. Ўтган даврда Автомобиль йўллари қўмитаси таркибидаги корхоналарга 2 мингдан зиёд янги махсус техникалар харид қилинди.

Бунинг ҳисобига 65 минг километр йўллар қурилди ва таъмирланди.

Ўтган йилдан “Менинг йўлим” лойиҳаси ишга тушди ва илк бор аҳоли таклифлари асосида ички йўлларни қуриш ва таъмирлаш тизими жорий қилинди.

Шу йилнинг ўзида 470 та маҳаллада ички йўлларни
қуриш ва таъмирлаш ишларига 410 миллиард сўм йўналтирилди. 3 мингга яқин маҳалла йўлларига илк бор асфальт ётқизилди, яна 2 мингта маҳалладаги тупроқ йўллар шағал қопламага ўтказилди.

Йўллар яхшиланиши ҳисобига маҳаллаларда минглаб янги тадбиркорлар иш бошлади, кўплаб корхоналар ишга тушди, ўн минглаб янги иш ўринлари яратилди.

Facebook|Instagram|Twitter

Давлатимиз раҳбари йўл соҳасидаги тизимли муаммоларни санаб ўтди.

Ҳудудларда ўтказилган сўровларда аҳоли ички йўлларнинг ҳолати ва сифатини долзарб муаммолардан бири сифатида кўрсатган.

Ажратилаётган маблағлардан самарали фойдаланиш орқали лойиҳалар қийматини камида 20-30 фоизга қисқартириш мумкинлиги қайд этилди.

Йиғилишда йўлларни лойиҳалаш меъёрларини такомиллаштириш зарурлигига эътибор қаратилди.

Кичик, ўрта ва катта йўллар учун ҳам, шунингдек, воҳадаги йўллар билан водийдаги йўллар учун ҳам бир хил “шаблон” лойиҳалар ишлаб чиқилмоқда.

Лойиҳаларда йўл бўйи инфратузилмасини назарда тутилган ҳолда халқаро йўлларда савдо ва сервис объектларини тартибли жойлаштиришга эътибор қаратиш лозимлиги таъкидланди.

Facebook|Instagram|Twitter

Давлатимиз раҳбари йўл қурилишида “ресурс” усулидан “ҳажм” усулига ўтиш, “ФИДИК” стандартларини жорий этиш таклифларини қўллаб-қувватлади.

Мисол учун, лойиҳанинг техник топшириғи ҳозирда “ресурс” усулига асосланган. Бунда 1 километр йўл қуриш учун қанча ишчи керак, қанча ёқилғи ва нечта техника ишлатилади, техниканинг тури қанақа бўлиши керак, деган юзлаб шартлар киритилган.

“Оқибатда техник назоратчилар асосий вақтини йўлнинг сифатини текширишга эмас, пудратчининг ҳужжатларини ўрганишга сарфлайди. Натижа ҳаммага маълум.

Аслида, давлат йўлнинг ўзига талабни белгилаб, уни сифатли қабул қилиши керак. Марҳамат, пудратчи йўлни қандай техника билан қуришини ўзи ҳал қилсин. “Ҳажм” усулининг мазмуни ҳам шу”, - деди Президент.

Facebook|Instagram|Twitter

Йиғилишда ҳокимлар ва Автомобиль йўллари қўмитасининг йўллар учун жавобгарлик соҳасини аниқ чегаралаш зарурлиги қайд этилди.

Йўлларни мониторинг қилишнинг автоматлашган тизими йўқлиги сабабли қайси йўлдан қандай ҳажмда юк ўтаётгани ҳақида аниқ маълумот йўқ.

Халқаро тажрибада юк транспортлари вазнини ўлчайдиган назорат тарозиларини ўрнатиш амалиётидан кенг фойдаланилади. Шундан келиб чиқиб, бундай тарозиларни мамлакатимизда ҳам хусусий шериклик асосида ўрнатиш таклиф қилинмоқда.

Давлатимиз раҳбари тарозилардан фойда олиш учун эмас, аксинча, йўллар сифатини таъминлаш ҳамда йўл-транспорт ҳодисаларини олдини олиш мақсадида фойдаланиш лозимлигини таъкидлади.

Facebook|Instagram|Twitter

Ҳисоб-китобларга кўра, йўлларни нормал ҳолда ушлаб туриш учун йилига камида 15 триллион сўм маблағ керак бўлади.

“Бир нарсани тушуниб олиш зарур. Ҳатто энг ривожланган мамлакатларда ҳам йўлларни қуриш ёки таъмирлаш тўлиқ давлат ҳисобидан амалга оширилмайди. Шунинг учун биз ҳам бу ишларга хусусий шерикларни фаол жалб қилишимиз шарт”, - деди Президент.

Мисол учун, Европа Иттифоқида йўл хўжалиги соҳасида хусусий шериклик асосида сўнгги 10 йилда 120 миллиард долларлик лойиҳалар амалга оширилган. Бизда эса бу борадаги ишлар сустлиги кўрсатиб ўтилди.

Йўл соҳасидаги хусусий шериклик лойиҳаларида инвесторларга қўйиладиган шартлар ва давлатнинг мажбуриятларини аниқ белгилаш зарурлиги қайд этилди.

Facebook|Instagram|Twitter

Шаҳарларда йўлларни сақлаш, қишки қаров
ва кўкаламзорлаштириш вазифалари ободонлаштириш идоралари зиммасида.

Бу вазифаларни ўз вақтида амалга ошириш учун шаҳар ободонлаштириш бошқармаларини махсус техникалар билан жиҳозлаш лозимлиги таъкидланди.

Йўл бўйида дарахт экиш ишларини ҳудудларнинг табиий-иқлим шароитларини ҳисобга олиб ташкил этиш, экилган дарахтларни сифатли парвариш қилиш зарурлиги кўрсатиб ўтилди.

Йўл соҳасида кадрлар салоҳиятини мустаҳкамлаш, замонавий техникаларни бошқара оладиган мутахассисларни тайёрлаш муҳимлиги таъкидланди.

Бугунги кунга қадар ҳуқуқбузарликларни қайд этувчи жами 2,5 мингдан зиёд камера ва радарлар ўрнатилди. Аҳоли жойларида ҳаракатланиш 60 километр-соатга туширилди. Бунинг ҳисобига камера ўрнатилган ҳудудларда авариялар 30 фоизга камайган.

Бу ишларни давом эттириш, “ақлли чорраҳа” ва “ақлли светофор” бошқарув тизимларини кенгроқ жорий қилиш зарурлиги айтилди.

Facebook|Instagram|Twitter

Кўтарилган муаммоли масалаларни бартараф этиш бўйича мутасаддиларга қатор топшириқлар берилди.

Вазирлар Маҳкамаси, Транспорт вазирлиги, “Автойўл” қўмитасига автомобиль йўллари соҳасини ривожлантириш бўйича қарор лойиҳасини киритиш топширилди.

Лойиҳада йўл ва кўприкларни қуриш ва таъмирлаш бўйича уч йиллик туманбай дастурини, йўл корхоналарини молиявий соғломлаштириш ва моддий-техник базасини яхшилашни, йўлларни сақлаш ишларининг бир қисмини хусусий секторга ўтказишни назарда тутиш вазифаси қўйилди.

Эндиликда йўлларни лойиҳалаштиришда комплекс ёндашув бўлади.

Яъни, қаерда тўхташ жойи бўлади, қаерда дарахт экилади, ёқилғи қуйиш шохобчаси, техник ва маиший хизмат кўрсатиш объектлари қаерда жойлашади, деган саволларга лойиҳанинг ўзида тўлиқ жавоб бўлиши керак. Шундан кейингина лойиҳа қабул қилинади.

Facebook|Instagram|Twitter

Йиғилишда бундан буён ички йўлларни қуриш ва таъмирлаш учун бюджет маблағлари фақат “Менинг йўлим” дастури орқали ажратилиши белгиланди.

“Энди қаерда ички йўл қуриш, қаердаги йўлларни таъмирлашни одамларимизнинг ўзи ҳал қилади.

Шундай қилсак, лойиҳани танлаб олишда ва сифатни таъминлашда очиқлик бўлади, тўлиқ жамоатчилик назорати ўрнатилади”, - деди Президент.

Ички йўлларни қуриш ва таъмирлаш учун 2024 йилда “Менинг йўлим” дастури доирасида 800 миллиард сўм ажратиш топширилди.

Хусусий шериклик лойиҳаларини ишлаб чиқишда янгидан тузилаётган жамғарма имкониятларидан фойдаланиш зарурлиги таъкидланди.

Бунда, махсус ишчи гуруҳ йўл хўжалиги соҳасида инвестиция ва давлат-хусусий шериклик методологияси ва мезонларини ишлаб чиқади.

Вилоят ҳокимлари билан биргаликда лойиҳалар танлаб олинади ва инвесторларни жалб қилиш учун тайёрланади.

Йиғилиш давомида соҳа мутасаддилари ва ҳудудлар раҳбарларининг ахбороти тингланди.

Facebook|Instagram|Twitter

#NO_COMMENT

Термиз шаҳридаги марказий оқова сув тармоғида юзага келган йирик авария бартараф этилмоқда

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh

Ўзбекистон 24 | Кўз ўнгимизда...

Термиз шаҳри маҳаллаларида олиб борилган ишлар тафсилотлари

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh

Термиз шаҳрида ёнғинларнинг олдини олишга қаратилган профилактик тадбир бўлиб ўтди

Сурхондарё вилоят Фавқулодда вазиятлар бошқармаси ҳамда Термиз шаҳар Фавқулодда вазиятлар бўлими ходимлари томонидан кенг кўламли  профилактик тадбирлар амалга оширилмоқда.

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh

Термиз шаҳрида “Беш ташаббус олимпиадаси“ мусобақаларининг иккинчи мавсумига старт берилди.

Маълумки, Президентимиз раҳбарлигида ёшларни қўллаб-қувватлаш, иқтидор ва истеъдодларини юзага чиқариш, уларнинг бўш вақтларини мазмунли ташкил этиш мақсадида доимий “Беш ташаббус олимпиадаси“ мусобақалари республикамиз бўйлаб ўтказиб келинмоқда. Айни кунларда Сурхондарё вилояти, Термиз шаҳридаги умумтаълим мактабларида ҳам “Беш ташаббус олимпиадаси“ мусобақаларининг иккинчи мавсумига старт берилди.

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh

Тиббиёт истиқболлари

Термиз шаҳар Тиббиёт бирлашмаси фаолияти борасида сўз боради.

🇺🇿Термиз шаҳар ҳокимлиги Ахборот хизмати

Каналга уланиш: https://t.me/termizshh