Термиз шаҳри ва Термиз туманида қурилиш ва коммунал соҳадаги қатор объектлар ўрганилди

Вилоят ҳокими Улуғбек Қосимов бугун ҳафталик иш режасига мувофиқ Термиз шаҳри ва Термиз туманида қурилиш ва коммунал соҳада амалга оширилаётган ишлар, лойиҳалар билан танишди. Жумладан:

➖ Термиз шаҳрининг “Меҳридарё”, ”Беруний” ва “Ибн Сино” кўчалари бўйлаб ўтувчи “Термиз” каналининг қурилиш ишлари кўздан кечирилди. Умумий қиймати 9,7 млрд сўм бўлган лойиҳа 2019 йилда бошланган бўлиб, жорий йил июль ойида фойдаланишга топширилиши белгиланган, аммо ишлар якунланмаган. Масъуллар билан ишларнинг якунига етказилмаслик сабаблари муҳокама қилинди ва муаммоларни бартараф этиш, ишларни жадаллаштириш топшириғи берилди.

➖ Топшириққа мувофиқ ташкил этилган қурилиш лойиҳаларини реал вақт режимида онлайн кузатиб борувчи ситуацион марказ фаолияти билан танишилди. Қурилиш ишлари сифатини доимий назорат қилиш, марказ фаолиятини такомиллаштириш топширилди.

➖ Умумий қиймати 26 млрд сўм бўлган лойиҳа доирасида “Алпомиш” кураш мажмуаси ва кураш спорт мактабининг замонавий типдаги биноси қурилмоқда. Вилоят раҳбари қурилиш ишлари, ишлатилаётган қурилиш материаллари, эшик ва дераза ромлари сифати билан танишди. Ишларни сифатли амалга ошириш вазифаси юкланди.

➖ Термиз шаҳри “Тинчлик” маҳалласида 3 гектар майдонда ташкил этилаётган Ёшлар саноати ва тадбиркорлик зонасида олиб борилаётган ишлар билан танишилди. Ҳудуддаги 14 та лотда ишлар бошланмаганлиги танқид қилинди. Тез кунларда ташаббускорларни аниқлаб, ишларни бошлаш топшириғи берилди.

➖ Термиз тумани “Бунёдкор” маҳалласида 2019 йилдан буён электр энергиясидаги қарздорлик сабаб ишламаётган насос станциясида бўлиниб, муаммоларни бартараф этиш масалалари ўрганилди. Туман мутасаддиларига насос станциясининг электр энергияси қарздорлигини қоплаш ва фаолиятини бошлаш топшириғи берилди.

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site