Кутубхона қурилиши, арт галерея ва тахририят фаолияти билан танишилди

Вилоят ҳокими Улуғбек Қосимов ўзининг ҳафталик иш режасига мувофиқ туризм, маданият, маданий мерос ва оммавий коммуникациялар соҳаларида амалга оширилаётган ишлар билан танишиш мақсадида Термиз шаҳридаги қатор объектларда бўлди.

Жумладан, шаҳарнинг “Нурли келажак” маҳалласи ҳудудида барпо этилаётган вилоят кўзи ожизлар махсус кутубхонаси биносининг қурилиш ишлари билан танишилди. Бино қурилишида йўл қўйилган камчиликлар масъулларга кўрсатиб ўтилди ҳамда уларни бартараф этиш, ишларни жадаллаштириш, сифатли якунлаш вазифаси топширилди.

Кейинги манзилда вилоят бадиий ижодкорлар уюшмасининг “Арт галереяси”да санъат асарлари ва воҳа рассомларининг ижод намуналари билан танишилди. Асарларни сифатли сақлаш, доимий кўргазмалар ўтказиб бориш бўйича топшириқлар берилди. Шунингдек, Термиз шаҳри ва Бойсун туманида енгил конструкцияли “Арт галерея” музейларини ташкил этиш лойиҳаси тақдимот қилинди.

Шундан сўнг, “Сурхон тонги” нашриёт уйи фаолияти кўздан кечирилди. Масъуллар билан тахририятнинг бугунги кундаги ҳолати, мавжуд муаммолари ҳақида суҳбатлашишди. Тахририят ва босмахона фаолиятини қўллаб-қувватлаш ҳамда такомиллаштириш бўйича чора-тадбирлар белгилаб берилди.

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site

Хотин-қизлар муаммоларини ҳал этиш бўйича олиб борилаётган ишлар ўрганилди

Вилоят ҳокими Улуғбек Қосимов Термиз шаҳри ва Термиз туманида хотин-қизлар билан манзилли ишлаш, муаммоларини ўрганиш ва уларни ҳал этиш борасида амалга оширилаётган ишлар билан танишди.

Дастлаб, вилоят раҳбари Аёлларни реабилитация қилиш ва мослаштириш марказида бўлиб, яратилган шароитлар билан танишди ва реаблитацияга олинган 6 нафар хотин-қизлар билан суҳбатлашди ҳамда уларнинг муаммоларини тингланди. Мавжуд муаммоларни ҳал этиш, хотин-қизлар ҳолидан доимий хабар олиш ва кўмак кўрсатиш бўйича масъулларга вазифалар белгилаб берилди.

Шундан сўнг, “Сурхон соҳили” маҳалласида 15 нафар фаол хотин-қизлардан иборат “Оқила аёллар ҳаракати”нинг кўчабошилар билан ҳамкорликда оилалардаги мавжуд муаммолар ва оилавий низоларни ўрганиш, ҳал этиш, хотин-қизлар ўртасида жиноятчиликнинг олдини олиш бўйича амалга ошираётган ишлари билан танишилди. Масъулларга мазкур тажрибани барча маҳаллаларда йўлга қўйиш топширилди.

Кейинги манзилда вилоят раҳбари Термиз тумани “Янгиобод” маҳалласида яшовчи фуқаронинг уйига ташриф буюриб, оиланинг мавжуд муаммоларини ўрганди. Туман мутасаддиларига ушбу оиланинг оилавий муҳитини соғломлаштириш, муаммоларини ҳал этиш ва турмуш шароитларини яхшилаш вазифалари топширилди.

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site