Термиз шаҳрида лойиҳалар ижроси ва бунёдкорлик ишларининг бориши билан танишилди

Вилоят ҳокими Термиз шаҳри бўйлаб қатор объектларда олиб борилаётган қурилиш таъмирлаш, ободонлаштириш ва бунёдкорлик ишлари билан танишди. Аҳоли учун яратилаётган қулайликлар, маҳалла инфратузилмасини яхшилаш тадбирларининг бориши кўздан кечирилди.

“Санъат саройи” ҳудудини ободонлаштириш ва кўкаламзорлаштириш, майсазорларни парваришлар учун суғориш тизимларини ўрнатиш жараёнлари масъуллар иштирокида кўриб чиқилди. Шу ернинг ўзида йўлларни таъмирлаш ва маҳаллаларда амалга оширилган ишлар тақдимоти ўтказилди.

Шунингдек, боғ қурилиши, “Нуронийлар маскани”, ишлаб чиқариш корхонаси фаолияти билан ҳам танишилиб, ҳар бир манзилда масъулларга тегишли вазифалар белгилаб берилди.

✈️Telegram | 📹 YouTube |✅ Facebook| 🌍Web-site

Термиз шаҳри маҳаллаларида дастур ижроси ўрганилди

Термиз шаҳридаги 37 та маҳалла инфратузилмасини ривожлантириш бўйича дастур қабул қилинган бўлиб, ҳар бир маҳаллага 2 млрд сўмдан, жами 74 млрд сўм маблағ ажратилган. Дастурга асосан шаҳардаги 2 та маҳаллада ишлар тўлиқ якунланиб, лойиҳалар фойдаланишга топширилди. Бошқа маҳаллаларда ишлар давом этмоқда.

Бугун вилоят ҳокими Улуғбек Қосимов ҳудудларга ташрифини якунлаб, Термиз шаҳридаги 3 та маҳаллада ободонлаштириш ва бунёдкорлик ишларининг бориши билан танишди, топшириқлар ижросини ўрганди.

Маҳаллаларда ички йўлларни таъмирлаш, пиёдалар йўлакларини барпо этиш, яшил ҳудудлар яратиш, кўп қаватли уй жойларни таъмирлаш, болалар, спорт майдончалари ва автотураргоҳлар қуриш ишларининг бориши кўздан кечирилди.

Масъулларга ишларни сифатли амалга ошириш, маҳаллалар ҳудудларида бунёдкорлик ишларини қисқа муддатда якунлаб, фойдаланишга топшириш вазифалари топширилди.

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site