Shaharda investitsiyaviy jozibadorlikni oshirish, istiqbolli loyihalarni hayotga tadbiq etish va eksport imkoniyatlarini kengaytirish maqsadida amalga oshirilayotgan ishlar haqida matbuot anjumani bo'lib o'tdi

Termiz shahrini 2023 yilda ijtimoiy-iqtisodiy rivojlantirish hududiy dasturini bajarilishi yuzasida tizimda amalga oshirilayotgan keng islohotlar toʻgʻrisida jurnalist va blogerlarga maʻlumotlar berildi.

Termiz shahrini kompleks ijtimoiy-iqtisodiy rivojlantirish Dasturi doirasida  2023 yilda umumiy qiymati 1,1 trln.soʻmlik 99 ta loyihalarni oshirilishi rejalashtirilgan boʻlib, shundan 1 298 ta yangi ish oʻrinlari yaratilishi koʻzda tutilgan.
Jumladan;
Sanoat sohasida  jami  143,5 mlrd. soʻmlik 35 ta loyiha shakllantirilib, 366 ta yangi ish oʻrinlari yaratilishi rejalashtirilgan.
Xizmat koʻrsatish sohasida  jami  912,4 mlrd. soʻmlik 64 ta loyiha shakllantirilib, 932 ta yangi ish yaratilishi rejalashtirilgan.
 
2023 yil 7 oyi davomida ishga tushirilgan loyihalar
 
Amalda 2023 yil 31 iyul kuniga qadar muddatidan oldin hamda qoʻshimcha ishga tushgan loyihalar hisobiga jami 22 ta loyiha ishga tushirilgan boʻlib, umumiy qiymati 168,4 mlrd.soʻmlik, loyiha amalga oshirilgan boʻlib, shundan 273 ta yangi ish oʻrinlari yaratilgan.
 
Jumladan;
1. Maʼrifat MFY hududida “INDENIM TEXTILE” MCHJ tomonidan umumiy qiymati 15,0 mln.dollarlik “Tikuv trikotaj mahsulotlari ishlab chiqarishni tashkil etish” loyihasi amalga oshirilishi natijasida 500 ta yangi ish oʻrinlari yaratilgan.
2. Tinchlik MFY hududida “Termiz Termo Plast” MCHJ tomonidan 1,0 mln. AQSH dollarlik “Politelen va polipropilen quvurlarini ishlab chiqarishni tashkil etish” loyihasi amalga oshirilishi natijasida 30 ta yangi ish oʻrinlari yaratilishiga erishilgan.
Yil yakuniga qadar dastur doirasida ishga tushirilishi rejalashtirilgan qolgan hududiy investitsiya loyihalari ijrosi toʻliq bajarilishi yuzasidan tizimli ishlar olib borilmoqda.

Matbuot anjumanida qatnashganlar oʻzlarini qiziqtirgan savollarga javob olishdi.

Termiz shahar hokimligi Axborot xizmati.

Термиз шаҳар ҳокими Ў.Тўраев фахрий ўқитувчилар ва таълим соҳаси вакиллари билан учрашди

Маълумки, Президентимиз томонидан Халқ таълими тизимини ривожлантириш ва ўқитувчиларнинг жамиятдаги обрўсини кўтариш бўйича аниқ вазифалар белгилаб берилиб, барча ҳудудларда кенг кўламли ишлар олиб борилмоқда.

Ушбу вазифаларнинг ижросини таъминлаш ҳамда умумтаълим мактабларида таълим сифатини ва педагог ходимларнинг салоҳиятини ошириш мақсадида Термиз шаҳар ҳокими ва сектор раҳбарлари кўп йиллик педагогик тажрибага эга фахрий ўқитувчилар, фаол нуронийлар, умумтаълим мактаблари директорлари ва ўринбосарлари, тажрибали устозлар ва ёш ўқитувчилар билан учрашув ўтказди.

Учрашув ўзаро ва самимий мулоқот тарзида ўтказилиб, устозларнинг таклиф ва тавсиялари тингланди ҳамда умумтаълим мактабларида таълим сифатини янги босқичга олиб чиқиш, фарзандлар таълим-тарбиясида ўқитувчилар ва оталар ролини ошириш бўйича асосий вазифалар белгилаб олинди.

Термиз шаҳар ҳокимлиги Ахборот хизмати.