Termiz davlat universiteti  binosida volontyorlik kursi bitiruvchilari bilan uchrashuv o'tkazildi.

Tadbirda Termiz shahar hokimi O'ktam To'rayev va  O'zbekiston volontyorlari assotsiyatsiyasi direktori Shirin Abidova, volontyor yoshlar vakillari qatnashdi.
Ta'kidlanganidek, volontyorlik faoliyati bu jismoniy va yuridik shaxslarga, umuman jamiyatga yordam ko'rsatish, atrof-muhitni muhofaza qilish, ijtimoiy ahamiyatga molik tadbirlarda ularni tashkil etuvchilarning roziligi bilan ishtirok etish, jamiyatda fuqarolik nuqtai nazarini, o'zini o'zi tashkil etishni, ijtimoiy mas'uliyat, birdamlik, o'zaro yordam berish va rahm-shavqat tuyg'ularini shakllantirishdan iboratdir.

Tadbir davomida O'zbekiston volontyorlari assotsiatsiyasi va Termiz shahar hokimligi o'rtasida memorandum imzolandi. Tadbir yakunida volontyor yoshlarga sertifikat va esdalik sovg'alari topshirildi.

Termiz shahar hokimligi Axborot xizmati.

Kanalga ulanish: https://t.me/termizshh
Telegram |  YouTube  | Facebook| Web-site

Navbatdagi "Siyosiy-maʼrifat soati" bo‘lib o‘tdi

Termiz shahar hokimligida bugungi kunning eng muhim va dolzarb mavzulari, jahonda va mamlakatimizda sodir bo‘layotgan voqea-hodisalar haqida maʼlumot berib boruvchi “Siyosiy-maʼrifat soati” bo‘lib o‘tdi. Unda shahar hokimligi xodimlari, tashkilot va idora rahbar va xodimlari ishtirok etdi.

Siyosiy-maʼrifat soatida spikerlar tomonidan eng so'nggi yangiliklar, O'zbekiston Respublikasi Prezidenti Shavkat Mirziyoyevning 9-iyun kuni Italiya davlatiga rasmiy tashrifi, "Ekspert sharhi va “Mutolaa vaqti” rukni haqida to‘xtalib o‘tildi.

Ushbu online siyosiy-maʼrifat soati Prezident huzuridagi Davlat xizmatini rivojlantirish agentligining ilm.argos.uz  platformasi hamda You Tube orqali kuzatib borishingiz mumkin.


Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube  | Facebook| Web-site