Termiz shahrida “Sog‘lom oila” marafoni bo‘lib o‘tdi

Yoshlar ishlari agentligi Termiz shahar bo‘limi tashabbusi bilan shaharda keng qamrovli “Sog‘lom oila” marafoni o‘tkazildi. Mazkur tadbir sog‘lom turmush tarzini targ‘ib qilish, oilaviy qadriyatlarni mustahkamlash hamda sport orqali aholi, ayniqsa yoshlar o‘rtasida ijtimoiy faollikni oshirish maqsadida tashkil etildi.

Marafon doirasida oilalar o‘rtasida turli sport musobaqalari, jismoniy faollikka asoslangan o‘yinlar o‘tkazildi. Tadbirda faol ishtirok etgan oilalarga sertifikatlar, esdalik sovg‘alari va tashakkurnomalar topshirildi.

Tadbir ishtirokchilari sog‘lom oila jamiyat taraqqiyotining poydevori ekanini ta’kidlashdi va bu kabi loyihalar davomli bo‘lishini istashdi.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Termiz shahrida oilalar mustahkamligini ta’minlashda “Oqila ayollar harakatining o‘rni" mavzusida forum o‘tkazildi.

Bugun Termiz shahrida “Oilalar mustahkamligini ta’minlashda "Oqila ayollar harakatining o‘rni" mavzusida ochiq va mazmunli forum bo‘lib o‘tdi. Tadbir oila institutini mustahkamlash, farzand tarbiyasi va xotin-qizlar ma’rifatini yuksaltirish, jamiyatda sog‘lom ma’naviy muhitni shakllantirish hamda turli salbiy holatlarning oldini olishda “Oqila ayollar” harakatining ahamiyatini yanada kuchaytirish maqsadida tashkil etildi.

Forumda mahallalarda o‘z faolligi va ibratli faoliyati bilan ajralib turgan bir guruh xotin-qizlar ishtirok etdi. Tadbir davomida Termiz shahar hokimining o‘rinbosari – Oila va xotin-qizlar bo‘limi boshlig‘i Gulnora Rahmonova so‘zga chiqib, harakatning jamiyatdagi tutgan o‘rni, ijtimoiy muammolarni bartaraf etishdagi samarali yondashuvi haqida iliq fikrlarini bildirdi.

Shuningdek, Surxondaryo viloyati “Oqila ayollar” harakati rahbari Xosiyat Qosimova tomonidan harakat a’zolari nomidan tayyorlangan murojaatnoma forum ishtirokchilari e’tiboriga havola qilindi. Tadbir yakunida mahallalarda oilaviy qadriyatlarni mustahkamlashda o‘z hissasini qo‘shayotgan bir guruh faol ayollar tashakkurnomalar bilan taqdirlandi.

Mazkur forum “Oqila ayollar” harakatining faollari orasida tajriba almashish, dolzarb muammolar yuzasidan ochiq fikr bildirish hamda kelgusi ishlar yuzasidan taklif va tashabbuslarni ilgari surish uchun muhim maydon bo‘lib xizmat qildi.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram