🗣 “BIZ GIYOHVANDLIKKA QARSHIMIZ!” – TERMIZ SHAHAR UMUMTA’LIM MAKTABLARIDA TARG‘IBOT TADBIRLARI DAVOM ETMOQDA

⏺Yosh avlod ongida sog‘lom turmush tarzini shakllantirish, giyohvandlikning salbiy oqibatlari haqida chuqur bilim berish, ularni zararli odatlardan himoya qilish maqsadida Termiz shahridagi barcha umumta’lim maktablarida “Biz giyohvandlikka qarshimiz!” shiori ostida targ‘ibot-tashviqot tadbirlari davom ettirilmoqda.

⏺Tadbirlar doirasida maktablarda ochiq suhbatlar, davra suhbatlari, viktorinalar, namoyishlar, sahna ko‘rinishlari, rasmlar va plakatlar tanlovi, psixologik treninglar hamda mutaxassislar ishtirokidagi davra muloqotlari tashkil etilmoqda.

⏺Tashabbus doirasida Ichki ishlar bo‘limi, maktab psixologlari, tibbiyot xodimlari, mahalla faollari, yoshlar yetakchilari va boshqa hamkor tashkilotlar vakillari ham ishtirok etmoqda. Ular o‘quvchilarga giyohvand moddalar iste’molining jismoniy va ruhiy sog‘liqqa, oila va jamiyatga yetkazadigan salbiy ta’siri, jinoyatchilik va huquqbuzarlik xavfi haqida real misollar orqali tushunchalar bermoqda.

⏺Ayni paytda barcha maktablarda mazkur mavzuga bag‘ishlangan badiiy ko‘rgazmalar, video roliklar namoyishi va interfaol mashg‘ulotlar ham o‘tkazilmoqda. O‘quvchilar tomonidan tayyorlangan ijodiy ishlarda giyohvandlikka qarshi qat’iy munosabat ifodalangan.

💬Targ‘ibot tadbirlari nafaqat bilim maskanlarida, balki mahalla va jamoat joylarida ham davom etadi.

Ma’naviy barkamol, bilimli va sog‘lom yosh avlodni voyaga yetkazish — barchamizning umumiy burchimizdir!

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣NNTLAR BILAN OCHIQ MULOQOT: PF–124-SONLI FARMON IJROSI DOIRASIDA MUHIM QADAM

⏺Fuqarolik jamiyatini rivojlantirish, ijtimoiy faollikni oshirish va davlat hamda jamiyat o‘rtasida ochiq muloqot maydonini kengaytirish maqsadida, Prezidentning 2024-yil 12-dekabrdagi PF–124-sonli “Fuqarolik jamiyatining rolini kuchaytirishga doir qo‘shimcha chora-tadbirlar to‘g‘risida”gi Farmoni ijrosini ta’minlash yuzasidan Termiz shahrida nodavlat notijorat tashkilotlari ishtirokida ochiq muloqot tashkil etildi.

⏺Mazkur tadbirda shahar hokimligi vakillari, Xalq deputatlari mahalliy Kengashi a’zolari, Adliya bo‘limi, OAV vakillari, faol fuqarolar hamda turli yo‘nalishlarda faoliyat yuritayotgan NNTlar ishtirok etdi.

⏺Muloqot davomida Farmon mazmun-mohiyati, unda belgilangan asosiy vazifalar, fuqarolik jamiyati institutlari bilan hamkorlikni yangi bosqichga olib chiqish, ularning ijtimoiy loyihalarini qo‘llab-quvvatlash, grant ajratish tizimlari, davlat organlari va NNT o‘rtasida ochiqlik va hamkorlik mexanizmlarini takomillashtirish masalalari atroflicha muhokama qilindi.

⏺Tadbirda NNT vakillari o‘z faoliyati davomida duch kelayotgan muammolar, ularni bartaraf etish bo‘yicha taklif va tavsiyalarini bildirib o‘tdilar. Davlat organlari bilan bevosita muloqotda bo‘lish, o‘z tashabbuslarini ilgari surish va mavjud huquqiy asoslardan to‘g‘ri foydalanish bo‘yicha amaliy tavsiyalar berildi.

⏺Muloqot yakunida Farmon ijrosini samarali ta’minlashda nodavlat sektorning faol ishtirokini rag‘batlantirish, ularga qulay shart-sharoitlar yaratish hamda ijtimoiy sheriklikni mustahkamlash bo‘yicha istiqbolli rejalar belgilab olindi.

💬Ochiq va samimiy muloqot fuqarolik jamiyati institutlarini mustahkamlashga, ularning ijtimoiy hayotdagi o‘rnini yanada kuchaytirishga xizmat qiladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣Termiz shahar || Aholi murojaatlari yechim topmoqda

⏺Aholining turmush farovonligini oshirish, ularni qiynayotgan muammolarga joyida yechim topish maqsadida O‘zbekiston Respublikasi Prezidentining Termiz shahridagi Xalq qabulxonasi tomonidan navbatdagi ochiq qabul o‘tkazildi.

⏺O‘zbekiston Respublikasi Prezidentining Termiz shahridagi Xalq qabulxonasi mudiri Qahramon Xolmatov boshchiligida fuqarolarning murojaatlari tinglandi. Murojaatlarda ijtimoiy himoya, bandlik, uy-joy, kommunal xizmatlar, sog‘liqni saqlash, ta’lim va boshqa sohalar bilan bog‘liq masalalar ko‘tarildi.

⏺Har bir murojaat joyida o‘rganilib, tegishli tashkilotlar rahbarlariga muammolarni tezkor hal etish yuzasidan aniq topshiriqlar berildi.

⏺Qayd etish kerakki, bunday qabullar orqali fuqarolarning davlat idoralari bilan bevosita muloqotga kirishish imkoniyati kengaymoqda, eng asosiysi esa, ularning dardiga quloq tutilmoqda va amaliy natijalarga erishilmoqda.

⏺Prezident Xalq qabulxonalari tizimi orqali xalq va davlat o‘rtasida samarali ko‘prik barpo etilmoqda. Ushbu tashabbus doirasida murojaatlarning aksariyati joyida ijobiy hal etilmoqda.

📞 Aholimiz Xalq qabulxonasiga istalgan vaqtda murojaat etishlari, o‘z muammolari va takliflarini bayon qilishlari mumkin.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram