🗣Rasmiy munosabat: Tegishli reja asosida bajarilayotgan ishlarni ma’lum bir sabab bilan bog‘lash bo‘htondan boshqa narsa emas!⏺So‘ngi kunlarda ijtimoiy tarmoqlarda Surxondaryo viloyatida amalga oshirilayotgan obodonlashtirish va boshqa rejali ishlarni Prezident tashrifi bilan bog‘lab, asossiz va chalg‘ituvchi ma’lumotlar tarqatish holatlari kuzatilmoqda.
⏺Xususan, ba’zi kanallar tomonidan go‘yoki tashrif arafasida yo‘lbo‘yidagi
xonadonlarga quyosh panellari o‘rnatilib, keyin yechib olinishi haqidagi asossiz xabarlar tarqatildi. Ma’lumot uchun: 2025-yil davomida viloyatda 4 410 ta obyektga 38,9 mVt quyosh panellari o‘rnatish rejalashtirilgan bo‘lib, bu ishlar Prezident va Hukumat qarorlariga asosan, bosqichma-bosqich amalga oshirilmoqda.
⏺Ayni paytgacha 466 ta obyektda 14,6 mVt quyosh panellar o‘rnatildi. Shu jumladan, 181 ta ijtimoiy soha obyekti, 91 ta tadbirkorlik subyekti va 187 ta xonadon qamrab olingan. Quyosh panellari orqali ortiqcha ishlab chiqarilgan energiya uchun 1 230 ta yuridik shaxsga 2,49 mlrd so‘m, 1 183 ta aholi xonadoniga 450,6 mln so‘m to‘lab berilgan.
⏺Obodonlashtirish ishlari va quyosh panellari o‘rnatish faqat tashrif munosabati bilan emas, balki,
aniq dasturlar asosida, aholi hayot sifatini yaxshilash, tozalik va barqaror energiyani ta’minlash maqsadida muntazam amalga oshirilmoqda.
⏺Jamoatchilikni tasdiqlanmagan ma’lumotlarga ishonmaslikka, faqat rasmiy manbalarga tayanishga chaqiramiz. Asossiz ma’lumotlar tarqatayotgan manbalarga nisbatan qonuniy chora ko‘rilishi bo‘yicha tegishli organlarga murojaat etilishini ma’lum qilamiz.
🇺🇿Termiz shahar hokimligi Axborot xizmati
✅Kanalga ulanish: https://t.me/termizshhTelegram |
YouTube |
Facebook |
Web-site |
Twitter | Instagram 