Termiz garnizonidagi harbiy xizmatchilarning oila a’zolari chuqurlashtirilgan tibbiy ko‘rikdan o‘tkazildi.

Salomatlik – odamning jismoniy va ma’naviy xususiyatlarning yig‘indisi. Bejizga “So‘g‘lom tanda, sog‘ aql” deyishmagan dono xalqimiz. Zero, harbiy xizmatchining o‘zi va oilasining tinchligi, salomatligi ta’minlash Mudofaa vazirligining ustuvor maqsadlaridan biridir.
Shu munosabat bilan Sog‘liqni saqlash vazirligi, Markaziy harbiy klinik gospitalli hamkorligida Termiz harbiy gospitalida harbiy xizmatchilar va ularning oila a’zolari uchun chuqurlashtirilgan tibbiy ko‘rik tashkil etildi.

Tibbiy ko’rik asosan ankologik kasalliklarini oldini olishga qaratilib, bu jarayonda okulist, pediatr, mamolog, travmatolog, terapevt, onkoginekolog, dermotolog, stomotolog, oftalmolog, lor, nevrolog, endokrinolog kabi yo‘nalishlarda shifokorlar ko‘rigi, shuningdek, UTT va EKG tekshiruvlari o‘tkazildi. Ko‘rik davomida ayollar ishtirokida “Xotin-qizlar reproduktiv salomatligi – sog‘lom kelajak asosi!” mavzusida profilaktik suhbatlar ham olib borildi.

Ta’kidlash joizki, o‘tkazilayotgan bu kabi tadbirlar yurt himoyachilarining oilalarida sog‘lom turmush tarzini keng tatbiq etish, mavjud kasalliklarini barvaqt aniqlash va tez davolash, xastalikning surunkali holatga o‘tib ketishini oldi olishga xizmat qiladi.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram