⏺Prezidentimizning joriy yil 14-fevralda mamlakatimiz yoshlari bilan muloqoti doirasida yoshlar bilan ishlash samaradorligini oshirish, ular uchun keng imkoniyatlar yaratish hamda bandligini ta’minlash bo‘yicha muhim vazifalar belgilab berildi. Shu asosda, yoshlarning tadbirkorlik tashabbuslarini qo‘llab-quvvatlash va ularni ish bilan ta’minlashga qaratilgan chora-tadbirlar muhokama qilindi.

⏺Bugun Termiz shahridagi "Yoshlar markazi"da Yoshlar ishlari agentligi viloyat boshqarmasi, shahar va tuman mutasaddilari, tegishli tashkilotlar va banklar mas’ullari ishtirokida yoshlar bandligini ta’minlash, tadbirkorlik loyihalarini amalga oshirishga ko‘maklashish bo‘yicha rejalar taqdimoti o‘tkazildi. Tadbirda Surxondaryo viloyati hokimi Ulug‘bek Qosimov ishtirok etib, mas’ullarning axborotini tingladi. Mutasaddilarga istiqbolli va iqtisodiy jihatdan samarali bo‘lgan, yoshlarni daromadli ish o‘rinlari bilan ta’minlashga yo‘naltirilgan loyihalarni amalga oshirish yuzasidan aniq vazifalar belgilab berildi.

⏺Shundan so‘ng, "Surxon" futbol klubining muxlislarini jamlagan "Fan klub" a’zolari bilan uchrashuv o‘tkazildi. Unda klub faoliyatini rivojlantirish, futbolchilar uchun qulay shart-sharoitlar yaratish yuzasidan fikr almashildi. Shuningdek, mas'ullar bilan viloyatda sog‘liqni saqlash sohasida amalga oshirilayotgan ishlar va kelgusidagi rejalar muhokama qilindi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram