🗣Termiz shahrida botanika bog‘ini barpo etish loyihasi bir necha bor viloyat rahbariga taqdimot qilinib, tegishli tavsiyalar asosida takomillashtirildi.

⏺Bugun bog‘ qurilishiga rasman start berildi. Tadbirda Surxondaryo viloyati hokimi Ulug‘bek Qosimov ishtirok etib, bog‘ning tamal toshini qo‘ydi. Shuningdek, mutasaddilarga qurilish ishlarini sifatli va belgilangan muddatlarda amalga oshirish, bog‘ni aholi uchun qulay va tabiat go‘zalligini o‘zida jam etgan hududga aylantirish vazifalari topshirildi.

⏺Yangi botanika bog‘i Termiz shahri aholisi va mehmonlari uchun dam olish maskani bo‘lish bilan birga noyob o‘simlik turlarini o‘rganish va asrab-avaylash imkonini yaratadi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Bugun Termiz shahrida buyuk bobokalonimizning ijodiy merosini o‘zida aks ettirgan Alisher Navoiy haykali joylashgan maydonda buyuk mutafakkir tavalludining 584 yilligi munosabati bilan madaniy tadbir bo‘lib o‘tdi.

Unda Surxondaryo viloyati hokimi o’rinbosari Ilhom Saparov ishtirok etib, buyuk bobokalonimiz yaratgan o‘lmas asarlari xalqimizning boy ma’naviy merosida, xususan, yoshlar tarbiyasida alohida o‘rin tutishini ta’kidladi.

Madaniy tadbirda Alisher Navoiy g‘azallaridan parchalar o‘qildi, kuy-qo‘shiqlar kuylandi hamda "Alisher Navoiy" spektaklidan parcha namoyish etildi. Yakunda viloyat hokimligi, davlat va jamoat tashkilotlari vakillari, olimlar va ziyolilar Alisher Navoiy haykali poyiga gulchambarlar qo‘yishdi.

#Termiz_shahri #AlisherNavoiy #584yilligi

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram