Surxondaryo viloyatining tashrif qog‘ozlaridan biri hisoblangan, Islom olami dunyosida dunyoga mashhur Al-Hakim at-Termiziy majmuasi hududini rekonstruksiya qilish, obodonlashtirish hamda tashrif buyuruvchilar uchun qulayliklar yaratish maqsadida ishlar olib borilayotganligi haqida xabar bergan edik.

Bugun majmuadagi ishlar yakunlanib, hudud muhtasham ko‘rinishga keltirildi. Majmuadagi yo‘laklar, o‘rindiqlar, yoritish chiroqlari, unga olib boruvchi avtomobil yo‘llari to‘liq yangilanib, zamonaviy ko‘rinishga keltirildi hamda kushxona qurildi. Hududdagi "yashil" maydonlarning yangidan barpo etilishi majmua chiroyini yanada ochdi. Shuningdek, marosimlar o‘tkazish joyini rekonstruksiya qilish ishlari davom etmoqda.

Majmuaning ochilish marosimida Surxondaryo viloyati hokimi Ulug‘bek Qosimov, viloyat va tuman sektor rahbarlari, faollar, diniy soha vakillari hamda nuroniylar ishtirok etdi.

🇺🇿Termiz shahar hokimligi Axborot xizmati

Telegram | YouTube | Facebook | Web-site | Twitter | Instagram

Termiz shahridagi muhtasham “San’at saroyi”da O‘zbekiston Respublikasi Konstitutsiyasining o‘ttiz ikki yilligi bayramiga bag‘ishlangan tantanali tadbir bo‘lib o‘tdi.

Davlat va jamoat tashkilotlari rahbarlari, ishlab chiqarish, ijtimoiy va boshqa sohalar vakillari, nuroniylar va faol yoshlar ishtirok etgan tadbirda Konstitutsiyamiz mamlakatimizda milliy mustaqilligimizni mustahkamlash, tinchlik va barqarorlik, millatlararo do‘stlik va hamjihatlikni saqlash, islohotlarimizning ortga qaytmas tus olishini ta’minlashda doimo ishonchli kafolat ekanligi ta’kidlandi.

Tantanali tadbirda taniqli san’atkorlar ijrosida Vatanni madh etuvchi kuy-qo‘shiqlar, sahna ko‘rinishlari va raqslar ijro etildi.

Bayram tadbirlari viloyatimizning barcha hududlarida ko‘tarinki ruhda davom etmoqda.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram