⏺BMT Taraqqiyot dasturi vakolatxonasi va Yevropa Ittifoqi elchixonasi qoʻshma delegatsiyasi Termiz shahridagi 3-sonli umumtaʼlim maktabida ham boʻlishdi. Mazkur maktab afgʻonistonlik talabalar va mahalliy aholi farzandlari uchun darslarni oʻzlashtirish va ijtimoiy-emotsional qoʻllab-quvvatlash dasturlarini amalga oshiruvchi maktab sifatida tanlab olingan.

⏺Qoʻshma delegatsiya aʼzolari hamda soha mutasaddilari tomonidan “Inklyuziv taʼlim” loyihasi doirasida amalga oshirilayotgan tadbirlar va kelgusidagi rejalar muhokama qilindi. Afgʻon bolalarini oʻqitishdagi mavjud muammolar tahlil qilindi. Shuningdek, maktabda tahsil olayotgan afgʻon bolalari va ularning ota-onalari bilan taʼlim jarayonlari xususida suhbat qilindi.

⏺Maʼlumot uchun, loyiha doirasida maktabga bormaydigan bolalarga taʼlim tizimi xizmatlaridan foydalanish imkoni yaratilib, dasturda asosiy eʼtibor ijtimoiy-emotsional taʼlim berish va inklyuziyaga qaratilgan. Natijada hozirgi kunda 210 nafar afgʻonistonlik bolalar Termiz shahridagi maktablarning qoʻshimcha darslarida ishtirok etishmoqda.

🇺🇿Тermiz shahar hokimligi Axborot xizmati

✅Kanalga ulanish: https://t.me/termizshh

🗣Termiz shahrida 45 nafar ishsiz fuqarolar bandligi ta'minlandi

⏺Termiz shahar prokuraturasi tomonidan, shaharda yashovchi yoshlar, ijtimoiy himoyaga muhtoj oilalar vakillari va boshqa toifadagi ishsiz fuqarolarning bandligini taʼminlash maqsadida shahardagi “Yoshlar markazi” binosida kengaytirilgan mehnat yarmarkasi tashkil etildi.

⏺Termiz shahar "Kambagʻallikni qisqartirish va bandligiga koʻmaklashish" boʻlimi bilan hamkorlikda oʻtkazilgan mehnat yarmarakasida 50 ga yaqin davlat tashkilotlari  va xususiy korxonalar yarmarkada ishtirok etgan 400 nafar fuqarolarga boʻsh ish oʻrinlarini taklif etishdi.

⏺Oʻtkazilgan yarmarka natijasida 45 nafar ishsiz fuqarolarning turli xil ishlarga joylashtirilishi taʼminlandi.

⏺Yarmarka davomida shahar prokuraturasi hamda Oʻzbekiston Ichki ishlar vazirligi akademiyasi bilan hamkorlikda yoshlar oʻrtasida jinoyat va huquqbuzarliklarning oldini olish mavzusida uchrashuv oʻtkazildi.

⏺Uchrashuvda Termiz shahridagi barcha oliy taʼlim muassasalarining taxsil oluvchi talabalari va profilaktik hisobda turuvchi yoshlar ishtirok etishdi.

⏺Tadbirda yoshlar tomonidan sodir etilgan jinoyatlar tahlil qilinib, muhokamasi oʻtkazildi. Mutasaddilar tomonidan jinoyat va huquqbuzarliklar sodir etilishini oldini olish boʻyicha yoshlarga tavsiya va maslahatlar, maʼsullarga topshiriq va koʻrsatmlar berildi.

🇺🇿Тermiz shahar hokimligi Axborot xizmati

✅Kanalga ulanish: https://t.me/termizshh