Хитойга ташриф, учинчи кун: Сурхондарё – Пекин ўртасида инвестициялар, саноат, савдо ва туризм ҳамкорлиги истиқболлари мавзусида Форум бўлиб ўтди

Хабар берганимиздек, Сурхондарё вилояти делегацияси тўрт кунлик амалий ташриф билан Хитой Халқ Республикасида бўлиб турибди. Бугун ташрифнинг учинчи кунига мўлжалланган тадбирлар доирасида Пекин шаҳрида “Сурхондарё – Пекин ўртасида инвестициялар, саноат, савдо ва туризм ҳамкорлиги истиқболлари” мавзусида бизнес-форум бўлиб ўтди.

Ўзбекистон томонидан Ўзбекистоннинг Хитойдаги Элчихонаси савдо маслаҳатчиси И.Ниёзмурадов, Сурхондаре вилояти ҳокимининг биринчи ўринбосари А.Орипов, Хитой томонидан Ички Монголия автоном райони Халқаро савдони ривожлантириш кенгаши раиси Жин Шенгруилар тақдимот ўтказишди.

Жин Шенгруи ўз нутқида Хитой ва Ўзбекистоннинг ўзаро ҳамкорлиги тўғрисида тўхталиб, ташқи савдо борасида Ўзбекистон Хитойнинг асосий шерикларидан бири эканлигини таъкидлади ва Сурхондарё вилояти ҳокимини жорий йил 5-7 сентябрь кунлари Ички Монголияда бўлиб ўтадиган Хитой ва Марказий Осиё давлатларининг иқтисодий ҳамкорлик алоқаларини кенгайтириш масалаларига бағишланган Форумда иштирок этишга таклиф қилди. Шунингдек, томонлар Сурхондарёда гўшт ва сут маҳсулотларини етиштириш лойиҳаларини амалга ошириш, ўзаро тажриба алмашиш мақсадида Ички Монголия делегациясининг Сурхондарё вилоятига ташрифини амалга оширишга келишиб олишди.

Бизнес-форум доирасида Сурхондарё вилояти делегацияси аъзоларининг Пекин шаҳри компаниялари ҳамда тадбиркорлари билан “B2B” ва “G2B” форматдаги учрашувлари ҳам ўтказилди.

Якунда қатор келишувларга эришилди. Жумладан:

➖ Термиз шаҳридаги “Амудар Текстиль” МЧЖ ва "XIAMEN ITG TEXTILE MATERIAL Co Ltd” ўртасида ип-калава маҳсулотлари етказиб бериш;

➖ Термиз шаҳридаги "NR ENERGY" ва "WUXi TENENG POWER MACHINERY Co Ltd" ўртасида кўмирдан синтетик газ олиш йўли билан когенерация ускуналарини келтириш;

➖ Қизириқ туманидаги “SUF FIBER” МЧЖ ва “PET STAPLE FIBER PRODUCTION” компанияси ўртасида пет чиқиндисидан синтафон во полестор иплари ишлаб чиқариш лойиҳасини амалга ошириш;

➖ Шеробод туманидаги "Чорбоғ Шеробод туз" МЧЖ ва “Shenzhen Zhongchuan Supply Chain Management Co Ltd” ўртасида тузни қайта ишлаш лойиҳасини амалга ошириш;

➖ Узун туманидаги “Денов Текстиль Кластер” МЧЖ ва “Tianjin Zhongtian Jintai Science & Technology Vice General manager Development Co Ltd” ўртасида ип-калава маҳсулотлари етказиб бериш;

➖ Олтинсой туманидаги "Турон Эко кўмир" МЧЖ ва “HENAN KSTONE MACHINERY AND ELECTRICAL EQUIPMENT Co Ltd” ўртасида кўмир қазиб олиш ускуналарини етказиб бериш;

➖ Жарқўрғон туманидаги “Нортекс Стаил” МЧЖ ва “XIAMEN ITG TEXTILE MATERIAL Co Ltd” ўртасида ип-калава маҳсулотлари етказиб бериш бўйича шартномалар имзоланди.

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site

Ўзбекистон Республикаси Президентининг “Фаол тадбиркор” кўкрак нишони билан тақдирлаш тўғрисида"ги фармойиши
—
Распоряжение Президента Республики Узбекистан "О награждении нагрудным знаком "Фаол тадбиркор"

📊Термиз шаҳар ҳокимлиги Ахборот хизмати.

➡️Каналга уланиш: https://t.me/termizshh

✈️ Telegram 🖤 YouTube  📒 Facebook 🌐 Web-site