Вознесение Господне. На хвалитех глас 1,
подобен: Небесных чинов.
 
Началоводцы бесплотных сил зряще Спасе Тя,
восход Творяща странный,
вопрошаху друг друга:
Что ныне зримое? Се человек
убо образом видимый,
якоже истинный Бог, превыше небес
днесь восходит славно с плотию.
 * * *
Тя Возносящася видевше галилеане
на горе Елеонстей
с телом Слове нетленным,
слышаху от ангелов: что стоите
и на небо взираете?
Сей бо во плоти приидет паки с Небес,
имже образом и видесте.
* * *
Да торжествуим вси сущии в мире ангельски
и на престоле славы
Богу присно Носиму
согласную взываем песнь: Свят еси
Отче Иже на Небесех,
Свят еси Слове, соприсносущный Отцу,
Свят и Душе Пребожественный.

#Византийские_подобны