[•••جمعہ بیان•••]

شیخ المشائخ عارف باللہ حضرتِ اقدس مولانا حمیداللہ لون صاحب حفظہ اللہ
بمقام: مسجد عائشہ رض سرنل اسلام آباد
بزبان: كشميری

07/12/2018

Video Link

https://m.facebook.com/story.php?story_fbid=496404574101642&id=395732993957143

تبلیغی جماعت میں کوتاہیوں کی اصلاح

لیکن یہاں ایک بات اور واضح کردوں کہ میں ’’تبلیغی جماعت‘‘ کی تائید میں ان جملوں کو لکھتے ہوئے یہ نہیں کہنا چاہتا کہ اس جماعت کے بہت سے افراد میں، جو علمی و عملی افراط و تفریط کی باتیں پیدا ہو گئی ہیں، وہ بھی صحیح ہیں؛ بل کہ یہاں یہ کہنا ہے کہ اس جماعت کا اصل مقصد و کام اور جس نیک ارادے کے تحت اس کا اجرا ہوا اور حضرت اقدس شاہ محمد الیاس کاندھلویؒ کے درد منددل نے امت کے ساتھ دردمندانہ و مشفقانہ برتاؤ کرتے ہوئے جس عظیم و جلیل کام کا بیڑہ اٹھایا، کیا اس میں کسی حرف گیری کی گنجائش ہے؟ کیا اس کو قرآن و سنت کے خلاف ٹھہرانے کا کوئی جواز ہے؟ حق یہ ہے کہ ’’تبلیغی جماعت‘‘ کے کام و مقصد سے اختلاف میرے نزدیک ناجائز ہے۔

ہاں! بہت سی جماعتوں کی طرح اور بہت سی تحریکوں کی طرح وقت کے گزرنے کے ساتھ ساتھ یہاں بھی بعض بے اعتدالیاں و غلطیاں لوگوں میں پیدا ہو گئی ہیں، جن میں سے بعض علمی غلطیاں ہیں، تو بعض عملی کوتاہیاں ہیں، ہم ان کو صحیح نہیں سمجھتے اور نہ صحیح قرار دیتے ہیں؛ بل کہ اصلاحی جذبے سے ان کی بھی اصلاح کی کوشش کو ضروری خیال کرتے ہیں؛ تاکہ یہ جماعت غلو فی الدین کی بیماری سے حفاظت میں رہے۔ اس لیے ہم تبلیغی جماعت سے منسلک علما سے خاص طور پر یہ گزارش کرتے ہیں کہ جماعت کے کام میں جو بے اعتدالیاں و افراط و تفریط کی باتیں پیدا ہو گئی ہیں، جن میں سے بعض زیادہ سخت بھی ہیں، ان کی اصلاح کی کوشش سے کبھی دریغ نہ کریں؛ تاکہ اس مفید ترین و عظیم ترین کام میں غلو پیدا ہو کر وہ قابل اعتراض نہ بن جائے؛ کیوں کہ ہم سب دین و شریعت کے پابند ہیں اور ہمیں بھی اسی طرح غلو سے بچنے کا حکم ہے، جس طرح سبھی لوگوں کو حکم ہے۔
اسی لیے ہمارے اکابر نے ہمیشہ ایک جانب اس جماعت سے بھر پور تعاون کیا ہے، تو دوسری جانب اس کے اندر پیدا ہو نے والی بے اعتدالیوں پر بھی متنبہ کیا ہے اور یہی ہمارے اکابر کا اعتدال و توسط ہے اور غلو سے پاک رویہ ہے، جس کی ہم سب کو اتباع کرنا چاہیے۔

حضرت مولانا مفتی تقی عثمانی صاحب دامت برکاتہم نے اپنے خطبات میں ایک جگہ نہایت معتدل بات فرمائی ہے، اس کو یہاں نقل کردینا مناسب ہے ، آپ نے فرمایا:

’’ ہمیشہ یہ بات یاد رکھنی چاہیے کہ کسی بھی جماعت کا پھیل جانا اور اس کے پیغام کا دور دور تک پہنچ جانا ،اگر صحیح طریقے سے ہو تو یہ قابل خیر مقدم ہے اور اس صورت میں اس جماعت کے ساتھ تعاون کرنا چاہیے؛ لیکن اگر اس جماعت میں خرابیاں پیدا ہو رہی ہیں یا اس کے اندر غلط فکر پیدا ہو رہی ہے، تو پھر تعاون کے ساتھ ساتھ اس کی غلطی پر اس کو متنبہ کرنا بھی ضروری ہے ؛کیوں کہ ایسا نہ ہو کہ یہ بہترین جماعت، جس سے اللہ تعالیٰ نے اتنا بڑا کام لیا،کہیں غلط راستے پر نہ پڑ جائے۔‘‘

(۱) الغرض ایک ہے ’’تبلیغی جماعت‘‘ کا اصل پیغام و نظام و طریق کار، اس میں کسی شک و شبہ کی گنجائش نہیں؛ لہٰذا اس کی مخالفت در اصل تعصب اور اللہ تعالیٰ سے بے تعلقی اور آخرت سے بے خوفی کا نتیجہ ہے۔

اور دوسرا ہے اس جماعت میں وقت کے گزرنے کے ساتھ بے اعتدالیوں و غلطیوں، علمی و عملی غلو پسندیوں کا سلسلہ، یہ بے شک قابلِ اصلاح و محتاجِ تنبیہ ہے اور علما کی ذمے داری ہے کہ وہ اس پر لوگوں کو متنبہ کرتے رہیں اور اصلاحی اقدام کرتے رہیں اور جو لوگ اس میں لگے ہوئے ہیں، ان کو چاہیے کہ جب مقصود ہمارا اللہ کی رضا ہے اور معتبر علما دلائل کی روشنی میں کوئی قابلِ گرفت بات پر گرفت فرمائیں، تو خود کو قابلِ اصلاح سمجھ کر اصلاح کر لیں اور غلوو بے اعتدالی سے اپنے آپ کو بچائیں اور ایسے وقت علما کی بات کی قدر کریں اور یہ سمجھیں کہ یہ حضرات ہمارے مصلح ہیں، جو ہماری اصلاح کر تے اور ہمیں گمراہیوں سے بچاتے ہوئے ہمیں جنت میں لے جانا چاہتے ہیں، بالخصوص جب کہ ان علما کا مخلص ہونا بھی معلوم ہو اور اہل ِحق میں سے ہونا ثابت ہو، تو اہل ِحق ہونے اور دین پسند ہو نے کا تقاضا ہی یہ ہے کہ علما کی بات کو مانیں، اگر چہ کہ وہ بہ ظاہر آپ کے ساتھ تبلیغی گشتوں و چلوں میں نہ جاتے ہوں؛ کیوں کہ دین کے اور بھی بہت سے کام ان کے ذمے ہو تے ہیں۔

(غلو فی الدین ، مفتی شعیب اللہ خان مفتاحی صاحب تصانیف کثیرہ)

اشعار : حکیم الامت حضرت مولانا اشرف علی تھانوی رحمہ اللہ تعالیٰ

آج کا ملفوظ

(از: عارف باللہ حضرت مولانا شاہ حکیم محمد اختر صاحب رحمۃ اللہ علیہ)

ایک دن مرنا ہے، اللہ کو منہ دکھانا ہے،اپنی لڑکیوں کو اللہ والی بناؤ، لڑکوں کو اللہ والا بناؤ۔ پیسہ کمانے کے چکر میں پڑ کر اولاد خصوصاً لڑکیوں کو ایسی پڑھائی نہ پڑھاؤ کہ اللہ کی ناراضگی مول لو، رزق کی ذمہ داری اللہ تعالیٰ نے لی ہے۔اللہ تعالیٰ فرماتے ہیں کہ میں رب العالمین ہوں، سارے عالَم کو پالتا ہوں۔ جب اللہ سارے عالَم کو پالتا ہے تو تمہاری اولاد بھی اسی عالم کا حصہ ہے، وہ بھی پلیں گے اور بہت اچھے پلیں گے۔ بس ایک کام کرو کہ ان کے لیے رب العالمین سے رابطہ اور بہترین وابستگی رکھو تاکہ مولیٰ ان سے خوش رہے۔

[•••جمعہ بیان•••]

شیخ المشائخ عارف باللہ حضرتِ اقدس مولانا حمیداللہ لون صاحب حفظہ اللہ
بمقام: دارالعلوم سواء السبیل کھانڈی پورہ کولگام
بزبان: كشميری

14/12/2018

Shaykh Rashid Ahmed Gangohi Rahimahulah did not miss Takbir Ula (first takbir with Imam) of the five Salah for 22 years.

Tadkhiratur Rashid 2:16.

زاد السعید 📒📕📗📘📙📚

چہل حدیث

از: حکیم الامت مجدد الملت مولانا شاہ اشرف علی تھانویؒ